فى مصطلح اسمه Kill your darlings او زى مابنقول بالعربى الايد اللى بتوجعك اقطعها
يعنى مثلا لـو :
- القميص اللى بتحبه بيأخرك عن الشغل عشان تكويه مش لازم تلبسه
- الأكله اللى بتحبها بتتعبك بطل تحبها
- اللى بيحبك بيوجعك مش تتعلق بيه
عارفه ان الكلام سهل بس ف حاجات بيبقى الفعل فيها صعب جدا زى اخر مثال مثلا الحاجه الوحيده اللى بيبقى صعب اننا نتحكم فيها هيا قلبنا وحتى لو اتظاهرنا اننا متحكمين فيه علشان بس نبان اننا شايفين الصح وبنفكر بعقلنا فيبقى جواه غير كدا خالص اصعب حاجه انك تحاول تخبى او تعمل عكس اللى جواك حتى لو قلبك غلط .
فى مرحله ف حياتك لازم هتيجى او لحظه معينه لازم تعرف فيها تستغنى عن الحاجات اللى مهما كنت متعلق بيها وبتحبها ومتصور انك مينفعش تعيش من غيرها ، لان وقتها هتعرف انك عشت بعدها عادى جدا صحيح زعلت شويه بس بقيت عايش وكملت حياتك من غيرها .
لما توصل للمرحله دى حتى لو الحاجات دى رجعت ليك مش هتبقى فارقه معاك لانك هتبقى وقتها عرفت انت المفروض تعمل ايه وتبتدى منين .
حياتنا مليانه قرارات مؤجله وقرارات مصيريه بنهرب منها علشان مش قادرين نحكى لنفسنا او نستغنى عنها ودا للأسف بس الأكيد ان هيجى الوقت اللى هنقدر ناخد قرار بس المهم انه يكون قرار صح والاهم انه يكون ف الوقت المناسب .