يعني ايه جرافيتي ؟
الجرافيتي هو الكتابة على الحيطان سواء رسمة او حروف او جمل او رسمه وتحتها جملة
الجرافيتي غالباً الناس بتستخدمه علشان توصل رسالة معينة سواء سياسية او اجتماعية او للدعاية لحاجة معينة وظهر الجرافيتي مؤخرا بشكل ملحوظ خصوصا ايام ثورة 25 يناير وفي حملات توعوية كتير بتستخدمه زي مثلا حملة لا للتحرش ولا للادمان ..
ادوات الجرافيتي :
غالبا بيستخدموا ورق الاستنسل المفرغ بالكلمة او الرسمة او الرسالة اللي عاوزين يوصلوها وبخاخ البوية اللي هيترش علي الاستنسل فتطبع علي الحيطة ، وفي أغطية خاصة علشان يتحكموا في مساحة الرش وشكل البقعة للبخاخ وبتتباع بالواحدة واسمها “القبعة (Cap) ”
الجرافيتي فكرة حلوة لتوصيل رسايلنا بس نستعمله باحترام ونوصل صوتنا بدون تجاوزات
🙂