طرق فعالة للإستمتاع برائحة البرفان لوقت أطول

طرق فعالة للإستمتاع برائحة البرفان لوقت أطول

طرق فعالة للإستمتاع برائحة البرفان ، كتير مننا بتقابلنا مشكلة ان البرفان مش بيدوم معانا فترة طويلة حتى مع اغلى الانواع بمجرد ما بنخرج بنلاقي ريحته اختفت ومالهاش اي اثر, هنعرف في موضوعنا طرق فعالة للإستمتاع برائحة البرفان لوقت أطول ..

طرق فعالة للإستمتاع برائحة البرفان

* البرفان ليه وظيفة تانية كمان هو يعتبر من الحاجات اللي ممكن تساعدك على النوم قبل ما تنامي رشي المخدة ببرفان بريحة مهدئة

هتساعدك تنامي بشكل احسن واسرع ..

*  لو عندك باقي برفان في اخر الازازة ومش عارفة تستفيدي بيه ممكن تفضيه على الكريم او اللوشن بتاعك ..

*  بالنسبة لانواع البرفانات بتختلف ثبات الريحة فيها حسب مكوناتها, البرفانات اللي بتكون فيها تركيز الزيوت العطرية منخفض

ريحتها بتروح اسرع, لكن اللي تركيز الزيوت العطرية فيها عالي هي دي اللي بتدوم فترة طويلة وترتيبها من الاخف للاتقل بيكون :
 Body Splash
 Eau de Cologne 
 Eau de Toilette
 Eau dePerfum
 Extrait de Perfum /Fragrance Oils

مواد تثبيت العطور :

واي برفان بيتركب من مجموعة روايح مختلفة اول ريحة بتشميها بعد ما بترشي البرفان هي دي اسرع ريحة بتختفي بسرعة,

واللي بتشميها بعدها بتروح بعد الاولى على طول, والريحة الاتقل بتفضل للاخر وبتستمر معاكي فترة طويلة, عشان كده احنا لما

بنيجي نجرب اي برفان بنشتريه لما بيهدى شوية او بتعدي على فترة بتلاقي ريحتة اتغيرت لان الروايح الخفيفة بتكون اتبخرت

والريحة الاتقل بس هي اللي بتفضل ..

*  حطي لوشن قبل ما ترشي البرفان لان الطريقة دي هتخليه يدوم فترة طويلة, عشان كده البشرة الدهنية بتحتفظ بريحة البرفان فترة

اطول فلو بشرتك جافة رطبيها بلوشن الاول قبل البرفان ..

اماكن وضع العطر للمراة :

* رشي البرفان على اماكن النبض والاماكن الدافية في الجسم اللي هي منطقة المعصم, وورا الاذن, الرقبة, خلف الركبة,

تنية الكوع ، تحت الصدر, ومنطقة الانكل والسمانة, المناطق دي كلها بتحتفظ بالريحة فترة اطول وبتنشر الريحة في باقي اجزاء

الجسم واختاري منطقتين بس ترشي عليهم البرفان مش كل الاماكن و لو مش عايزة ريحة البرفان تكون قوية اوي ممكن ترشي منه

رشه في الهوا وتمشي تحت الرذاذ ببطء الريحة هتنزل على الجسم كله وفي نفس الوقت هتبقى خفيفة ..

*  ممكن انتي تعملي برفان خاص بيكي رشي من اكتر نوع برفان على بعض يعني لو عندك اكتر من نوع جربي كده ما بين

نوعين تلاتة حسب ما انتي عايزة وشوفي اكتر روايح ماشية مع بعض, وحطي الاول البرفان اللي ريحته اقوى وبعدين الاخف فوقيه

عشان القوي ميغطيش على الخفيف ..

*  لو عايزة البرفان يدوم معاكي فترة طويلة متحطيهوش في الحمام او اي مكان يكون فيه رطوبة او دافي لان الرطوبة بتقلل من

جودة وريحة البرفان, شيليه دايما في اماكن باردة وجافة يعني زي اوضة النوم ويكون كمان بعيد عن الشبابيك, وممكن تستخدمي

ستاند ترصي عليه البرفانات بتاعتك كلها بشكل حلو ..

تثبيت العطر في الملابس :

*  ممكن بدل ما تشيلي ازازة البرفان كلها معاكي استخدمي اعواد القطن رشي عليها من البرفان وحطيها في Ziploc Bag

وشيليها في شنطتك واستخدميها طول اليوم ..

*  افركي فازلين عند مناطق النبض قبل ما تحطي البرفان, الحيلة دي هتخليه يدوم معاكي فترة طويلة, لان لما يتحط على جلد

رطب هيدوم اطول من انه يتحط على جلد جاف .. 

*  في حركة كتير من البنات بيعملوها بعد رش البرفان بيفركوا ايديهم في بعض لكن ده غلط متفركيش معصمين الايد في بعض

بعد ما تحطي البرفان لان الحركة دي هتخلي ريحة البرفان تروح بسرعة ومش هيدوم معاكي ..

*  ممكن تعطري الهدوم بتاعتك رشي من البرفان المفضل بتاعك على مناديل وحطيها في الادراج او الدولاب بين الهدوم عشان

تعطريها او ممكن تجيبي الصابون المعطر وتلفيه في منديل ورق وحطيها في الدرج بين الهدوم ..

المزيد من المواضيع التي قد تهمك :

التخلص من رائحة العرق تحت الابط نهائيا

التخلص من رائحة القدمين نهائيا

ما الفرق بين الولادة الطبيعية والولادة القيصرية