استخدامات ماء الورد للبشرة والشعر

13872811_939551449488840_9086201804752429221_n

[ads1]

ماء الورد من المنتجات اللي ليها فوايد كتير جدا للبشرة والشعر والميزة فيها انها مناسبة لكل انواع البشرة يعني اي حد ممكن يستخدمها ليها خصائص مطهرة للبشرة ومضادة للجراثيم هتخلى بشرتك دايما نضيفة ونقية ده غير انها مرطبة للجلد وفوايد تانية للبشرة والشعر هنعرفها في موضوعنا ..

* السيطرة على زيوت البشرة:
ماء الورد من افضل الحاجات اللي بتساعد على تقليل الزيوت الزيادة في البشرة الدهنية لانه بيقبض المسام الواسعة وبيقللها ممكن نخلط طين البشرة “هنلاقيه عند العطار” مع ماء الورد لحد ما يكون عندنا عجينة قوامها معقول هنفردها على البشرة ونسيبها لحد ما تنشف تقريبا 20 دقيقة وبعدين هنغسل البشرة الوصفة دي بتنضف المسام بعمق وبتقلل جدا من دهون البشرة وممكن تعملي الوصفة كل يوم واكتر من مرة في اليوم وخصوصا للي بشرتهم دهنية اوي ومش مضرة خالص بالعكس مفيدة جدا..

* علاج البثور وحب الشباب:
تعتبر علاج فعال جدا لعلاج البثور وحب الشباب هنخلط 2 معلقة كبيرة عصير ليمون مع ماء الورد بنفس الكمية ونحط الخليط ده على البشرة ونسيبه لمدة 25 دقيقة وبعدين تغسلي بشرتك بمية دافية والوصفة دي مش بتعالج البثور والحبوب بس كمان تعتبر وقاية من الحبوب وبتمنع ظهورها مرة تانية..

* لعلاج تلف الشعر:
كلنا شعرنا بيبوظ من كتر استخدام السيشوار والمكوى والحرارة والرطوبة حاجات كتير بتأثر على شعرنا بشكل سلبي لكن ماء الورد يقدر يعالج لنا التلف ده هنجيب كوباية مية ورد ونضيف عليها كام نقطة زيت زيتون و2 كبسولة فيتامين E هنمزجهم مع بعض كويس ونحطه في ازازة ببخاخ ونرش الشعر كله كويس بالخليط بعد ما نغسله ونسيبه على الشعر عادي الوصفة دي فعالة جدا في علاج تلف الشعر..

* للمعان الشعر وتعطيره:
بعد كل مرة نغسل فيها شعرنا نخلي من روتينا على طول اننا نرش الشعر بمية الورد نحطها في ازازة ببخاخ ونرش الشعر كله بعد كل غسيل ده هيرطب الشعر جدا وهيديه لمعة حلوة اوي, ده غير انه هيخلي ريحته حلوة على طول..

Comments are closed.