عصائر مفيدة لنضارة البشرة

جمال البشرة مش بيكون بس بالماسكات لكن بيبدأ من جوه الجسم بالحاجات اللي احنا بناكلها او بنشربها بتأثر على بشرتنا

بشكل سلبي او ايجابي على حسب احنا بناكل او بنشرب ايه, في موضوعنا هنقولكم طرق لعمل عصائر مفيدة  لنضارة البشرة و تفتيحها والحفاظ على رطوبة الجسم وصحة الجلد ، عصائر مفيدة لنضارة البشرة

عصير الطماطم والجزر:

اخلطي 2 ثمرة طماطم مع 2 ثمرة جزر وضيفي لهم شوية مية واضربيهم في الخلاط وممكن تضيفي لهم اي نوع فاكهة مفضلة عندك

ولو انتي حابه الطعم من غير فاكهة ممكن تستغني عنها .. المشروب بيساعد على تنقية البشرة, بيمنع ظهور حب الشباب, بيجدد خلايا

البشرة, ترطيب البشرة والجسم, وبيخلص الجسم من التعب والارهاق وبيديه طاقة وبالتالي ده بينعكس بشكل ايجابي على البشرة

وبيخليها نضرة وصحية, وكمان مفيد للنظر لانه غني بفيتامين أ الموجود في الجزر, بيمنع ظهور التجاعيد المبكرة ..

عصير البنجر والجزر والبروكلي والثوم والكرفس:

هنخلط البنجر مع الجزر والبروكلي والثوم والكرفس ونضربهم مع بعض في الخلاط, وممكن لو مش متوفر عندك بروكلي ممكن

تستبدله باي نوع خضار تاني لونه اخضر, وممكن تضيفي له عنب او موز او اي نوع فاكهة من اختيارك ..

 العصير الاخضر والاحمر ” الفراولة – السبانخ – البنجر” :

عصير مية جوز الهند والسبانخ والموز:

اخلطي مية جوز الهند ” المية الموجودة جوه ثمرة جوز الهند ” مع كرفس وسبانخ و ½ موزة وزنجبيل وريحان وتين

اضربيهم مع بعض في الخلاط واشربيه وممكن تضيفي اضافات تانية من الخضار والفاكهة  ” حسب اختيارك ”
المشروب ده مش بس مفيد للبشرة وبيساعد على توهجها لكن كمان ليه فوايد صحية كتير جدا ..

العصير الاخضر:

اخلطي الخيار مع سبانخ ولفت وبقدونس وعصير ليمون وكزبرة وزنجبيل وجل صبار الالوفيرا وطماطم وممكن تضيفي

اي خضار تاني متوفر عندك في البيت واضربيهم مع بعض في الخلاط ..
العصير ده بيدي بشرتك كل المغذيات النباتية اللي محتاجها وبالتالي ده بينعكس بشكل ايجابي جدا على البشرة وصحة الجلد ..

عصير الجزر والسبانخ:

اخلطي الجزر مع السبانخ واضربيهم مع بعض في الخلاط وممكن تضيفي اضافات تانية من المغذيات النباتية من الخضار والفاكهة حسب اختيارك ..

هذا العصير بيخلي البشرة منورة وبيحافظ جدا على صحة الجلد وكمان مفيد جدا لصحة العين ..

* في كل العصاير اضافة المية بكمية بسيطة حسب نوع كل عصير في عصاير يمكن متحتاجش مية لان فيها انواع خضار

وفاكهة هتنزل المية بتاعتها لكن اللي هيحتاج مية نحط كمية بسيطة على حسب ما يحتاج والمفروض انه ميكونش خفيف يكون سميك شوية ..

وبذلك كنا قد قدمنا لكم بعض عصائر مفيدة لنضارة البشرة التي ستعطيكم بشرة نضرة وجميلة 

المزيد من المواضيع التي قد تهمك :

طرق تفتيح المناطق الحساسة للأبد وبدون رجعة

اضرار لا حصر لها بسبب التدخين فما هي

ثلاث طرق للحفاظ على مناعة طفلك