افضل الطرق لاستخدام الكريم المرطب للبشرة

افضل الطرق لاستخدام الكريم المرطب للبشرة     

الكريم المرطب مفيش بنت تقدر تستغنى عنه ،و الكريم المرطب بيعتبر من اسهل الحاجات اللى ممكن نستخدمها علشان نهتم بجمال بشرتنا و صحتها

 الموضوع بسيط مش كده ؟ ببساطة بتفتحى علبة الكريم و تاخدى منها الكمية المناسبة و تفرديها على وشك و جسمك و خلاص  بس الحقيقة لا حتى

استخدام الكريم المرطب له طريقة و وقت معين  علشان كده هنعرف في موضوعنا على افضل الطرق لاستخدام الكريم المرطب للبشرة ..

افضل الطرق لاستخدام الكريم المرطب للبشرة

* لازم نطبقه بشكل صحيح :  

تطبيق و استخدام مستحضر تجميل واحد اكيد مفيد لبشرتك ، بس استخدام مستحضرين افضل استخدمى كريم مرطب مع سيروم مناسب

لنوع بشرتك علشان تحصلى على ضعف الفايدة الطريقة دى هتفيدك جدا خصوصا لو كتى من اصحاب البشرة الجافة .

* كمان التوقيت مهم جدا ازاي؟

مهم جدا نك تبقى حريصة على استخدام الكريم المرطب الخاص بيكى فى الاوقات المناسبة  و الاوقات المناسبة دى هى

اما بعد حمامك على طول او بعد ما تغسلى وشك الصبح و قبل النوم . و مهم جدا تجففى بشرتك بفوطة قطنية ناعمة قبل تطبيق الكريم المرطب

الخاص بيكى علشان المياة مش هتخلى بشرتك تتشرب الكريم و هتلاقيه بيسيل ..

* لازم نستخدم الكمية المناسبة : 

مهم جدا عند استخدام الكريم المرطب انك تستخدمى الكمية المناسبة ليكى ، لا كمية اقل ولا اكتر  و بما انه الكمية المناسبة ممكن تختلف

من نوع بشرة للتانى فانتى هتقدرى تحددى الكمية المناسبة ليكى مع الاستتخدام المتكرر  ابدأى بكمية صغيرة و طبقيها و افضلى زودى

الكمية عند الحاجة لحد ما توصلى للكمية الكافية و المناسبة لوشك و رقبتك ..

* لازم نختارالتركيبة المناسبة :  

كل بشرة ليها احتياجاتها المختلفة ، علشان كده ممكن تلاقى كريم معين بيجيب نتيجة هايلة مع صاحباتك لكنه مايبقاش مناسب ليكى  اهتمى

بأنك مع التجربة تلاحظى الكريم اللى بيفيد بشرتك اكتر و بعد كده استخدميه على طول علشان متعرضيش نفسك

لاى مشكلة سواء كانت التهابات للبشرة او غيرها ..

* متنسيش رقبتك : 

كتير مننا بيهتموا بصحة وجمال بشرة شعرهم و بيهملوا رقبتهم وده غلط كبير جدا  لان الرقبة بتعتبر واحدة من اهم

الاماكن اللى لازم تهتمى بيها فى جسمك و ده علشان البشرة فى منطقة الرقبة حساسة و رقيقة جدا و بتعتبر من اول

المناطق اللى بتظهر فيها الترهلات و التجاعيد مع تقدم السن و ده لانها كمان بتبقى عرضة للجفاف   ممكن تسيطرى

على الضرر ده و تقللى منه بدرجة كبيرة جدا عن طريق استخدام الكريم المرطب على رقبتك و منطقة الصدر

خصوصا في المنتصف كمان بنفس عدد المرات و بنفس الاهتمام اللى بتديه لوشك و لباقى جسمك ..

أفضل انواع الكريمات المرطبة للبشرة :

* كريم اولاي Olay Natural White 7 In One:

كريم اولاي بيحتوي على مغذيات وفيتامينات زي فيتامين E, B3, B5 وكل العناصر دي بتساعد على تفتيح البشرة مع الاستخدام اليومي للكريم

, بيفتح البشرة من اثار الشمس وبقع البشرة, بيرطب البشرة وبينعمها, ده غير انه في نسبة حماية من الشمس SPF 24 ,

والكريم مناسب لكل انواع البشرة سواء العادية او الدهنية او الجافة والمختلطة ..

* كريم لوريال باريس L’oreal Paris Pearl Perfect:

بيفتح البشرة من اثار الشمس والبقع, وبيحميها من الشمس لانه بيحتوي على SPF 15 , ولوريال يعتبر من اكتر كريمات تفتيح البشرة الفعالة

ونتايجها مرضية جدا, مناسب لكل انواع البشرة, ونازل منه نوعين كريم نهاروكريم ليل ..

المزيد من المواضيع التي قد تهمك :