هتكلم معاكو عن حكايات كتير للبنات ودى هتبقى اول حكاية
انا بنت عندى 30 سنة وزى اى بنت عايزة تستقر مع زوج وتعمل اسرة وحكايتى بدات لما كنت فى الجامعة حبيت زميلى واتخطبنا وحصل مشكلة مع خطيبى ووالدى بس لاسف والدى مقدرش يسامحة لان خطيبى غلط فية وتم الانفصال وانا خلصت الكلية واشتغلت ورفضت الارتباط تمام وانا الكبيرة على اختين اتجوزو وكل واحدة عايشة حياتها وانا اصبحت ى مركز كويس فى شغلى واتعرفت فى الشغل على زميل ليا واصبحت بينا علاقة حب بس المشكلة انة متزوج وعندة ولد بس على طول كان بيقولى انة مش سعيد مع مراتة وكدة كدة هينفصلو وهو عايز يتقدلمى فاتحت اهلى فى الموضوع رفضوا الموضوع تماما وحاولت انى افهمهم انى مسؤلة عن قرارى لكن كلامى كان يقابل بالرفض حبيت اوضح موقف اهلى لية قالى خلاص هتقدم ومش هقول انى متزوج انا خايفة ابنى حياتى على كذبة وفى نفس الوقت كلام الناس ونظراتهم ليا عشان انا فى سن 30 ولسة متجوزتش بتجرحنى انا فى حيرة ومش عارفة اعمل اية
ودى كانت حكاية من حكايات البنات الكتيرة انتظرو منى حكاية تانية وربنا يفرح اى بنت ويسعدها
كتبتها لكم / HaMeS
تسلم ايدك والله
ايوووووووووووووووه بقا احنين
انطلق يا عم تسلم ايدك بجد
تسلم ايدك يا حنين .. بس انا شايفه من رايى انها مش تبص للسن انه عائق ف حياتها وانها كبرت وكلام الناس كتر والحكايات دى والحب مش بيفرق بين اذا كان متجوز قبل كده ولا لاء بس طالما اهلها مش موافقين يبقا خلاص اكيد مش هتعصى اهلها علشانه ولو متمسكين ببعض يبقا تحاول تقنعهم
انا رأى متوفقش لان ما بنى على باطل فهو باطل
يعنى مش هتكدب على اهلها عشان تراضيه
واكيد هو لو بيحبها زى ما بيقول عمره مهيفكر يصغرها قدام اهلها ويخليها تكدب عليهم فى حاجه زى دى
لو هما وفقو عليه وهما عرفين انه متجوز او كان متجوز يبقا خير وربنا هيكرمهم فى حيتهم
ولو شيفين انه مينفعش يبقى رضاهم من رضى ربنا عندك وتعتبر اكنها مقبلتوش