“ كلمات أغنية لو عندك قلب | ساندي 2016 “
عن واحدة كانت بتقول أن إنت الدنيا بحالها
ادتلك كل حياتها عشان إنت كنت أملها
إنسان حاربت علشانه الدنيا وهو خذلها
جزاتها إنها أمنتلك ومحطتش في بالها
كانت فاكره إن أنت اللي هترسم مستقبلها
دلوقتي الجرح أذاها ده لو مطلعش قتلها
وكمان ليك عين بعد ده كله رايح تسألها
عامل مستغرب قال يعني مش عارف مالها
لو عندك قلب بجد إنساها وسيبها في حالها
على فكرة إنت ندمت عليها لما بقيت محتاجها
بس الفكرة إنها مش حمل أسف ولا حمل مواجهة
لو فعلاً فارقه معاك سيبها وهتسامحك بمزاجها
أحياناً كلمة أنا آسف مبيبقلهاش معنى
الحاجة اللي تموت جوانا عمرها ما بتوجعنا
ربنا يكفيك شر الحب لما يتحول لعنة
وكمان ليك عين بعد ده كله رايح تسالها
عامل مستغرب قال يعني مش عارف مالها
لو عندك قلب بجد إنساها وسيبها في حالها
كلمات : محمد القياتي .
ألحان : بلال سرور .
