[ads1]
الفطيرة بالمربي علي الطريقة الروسية
المكونات :
مقادير العجينة :
6 كوب دقيق
ملعقة ونصف خميرة جافه
نصف كوب سكر
3 بيضات
ملعقة صغيرة ملح
2 كوب حليب دافئ
2 ملعقة كبيرة زبادي
3 ملاعق كبيرة زيت
3 كوب مربي للحشو ” أي نوع بنحبه “
بيضة مخفوقه لدهان الوجه
……………………………………………………
تعالوا نشوف مع بعض بتتعمل ازاي .. 🙂
أول حاجة هنحضر الطبق او الحاجة اللي هنعمل فيها العجينه ونحط فيها الحليب الدافي والخميرة ومعلقة كبيرة سكر ونقلب بمعلقة لحد ما
يتماسك الخليط شوية ونسيبه خمس دقايق لغاية ما الخميرة تشتغل
ونجيب طبق تاني نحط فيه البيض والزبادي والملح وباقي السكر ونحط عليه الحليب والخميرة اللي عملناهم من شوية
بعدين هنحط كوباية دقيق ونقلب بالمعلقة
بعدين نجيب المضرب وننزل بباقي الدقيق حبه حبه ونشغل المضرب علي سرعة متوسطة لغاية ما الدقيق يخلص ونحط الزيت
ونعجن لمدة خمس دقايق
[ads2]
هتطلع معانا عجينة متماسكة هنحطها علي الرخامه وقبل ما نحطها نرش شوية دقيق علشان متلزقش ونعجن بإيدينا خمس دقايق ولو حسينا انها محتاجة دقيق نزود لغاية ما تبقي متماسكة خالص ونحطها ف طبق ونغطيها ونسيبها تتخمر
وده شكلها بعد التخمير هنمسكها ونقسمها نصين
وبعدين نقسمها كور صغيرة بالشكل ده
نمسك كورة كورة نفردها ونحط ف طرف العجينة المربي وعلفكرة ممكن نعملها بأي حشو غير المربي ممكن نعملها
“لحمة مثلا “
بعدين هنقفل العجينة من ناحية الحشو ونقفلها كويس ونسيب الجزء التاني مفرود ونجيب سكينه ونعمل فيه هتحات بالطول
ونقفله علي الحشو تاني
بعدين نحط ورقة الزبدة في الصينية ونحط عليها الفطاير بتاعتنا وندهن وشها بالبيضة المخفوقة ونسيبها تخمر شوية
وندخلها الفرن علي دجة حرارة 175 درجة مؤية ونسيبها من 40 لـ 45 دقيقة لغاية ما نلاقي وشها اخد اللون الدهبي
هتطلع بالشكل ده وناكلها مع كوباية شاي او قهوة
وبالهنا والشفا .. 🙂
[ads2]
Comments are closed.