دبس الرومان ليه استخدامات كتير جدااااا كبديل للحامض ف تحضير السلطات .. بيستخدم ف الاكلات والمشويات زى الكفته بالصوص وممكن ناس تستخدمه ف تحضير الساندوتشات يعنى تدهن الساندوتش
دبس الرومان وتحط عليه اللى انت حابب تاكله …. م الاخر بيدى للاكل طعم مِزز وحامض ولذيذ .
هنجيب كيلو رومان _ كوب سكر _ 4 عدد لمون .
الخطوات سهله جدا :_ نصفى الرومان كويس جدا م البزر وتتأكدى انه بقى عصير رومان صافى .
هنحطه ف حله ونحطها ع نار هاديه جدا ونحط معاه كوب السكر والليمون ونتركه ع النار من 6 الى 10 ساعات متواصلين ع نار هاديه اقل درجه حراره وبعدها هتلاقيه بقا تقيل جدا واتحول لــدبس رومان طبيعى زى بتاع المحلات .
امعلم امعلم امعلم والله شكلو مغرى
جربى بقى يا حبيبتى وادعيلى وع فكره هتحتاجيه مع الاسماك .