ليه الحياة متخبطة .. وساعات بتبقا ملخبطة .. و ان روحنا فيها ولا جينا .. بنبقا صفحة شخبطة
و الحلم ماله و ليه عنيد .. كل ما أوصل ليه أعيد .. و مهما أقرب كان بعيد … و طريقى من غير سفلتة
كام شخص فينا عنده نقص .. عشان دفن حلمه بـ قنص .. و بضحكة خبا ف قلبه يأس .. ويبان عليه الزقططه ..
وهو حياته ملخبطه
[ads2]
و ناس تقضيها ف جراح .. و يشوفوا اللى مات ارتاح .. و البكا يقلب بالنواح .. فـ تعيش حياتها فـ لخبطة ..
يادنيا محتاجة إعتذار !! .. هعتذره و كفاية انهيار .. وماتسيبيش حلمى فـ نار .. ده بقت جروحه مشلفطة .. وخلتينى ف لخبطة ..
كام مرة نفسى اقول تعبت .. برغم طيبتى اتحاسبت .. و ياريتنى حتى ف يوم كسبت .. ده حياتى فيكى مرمطة
ماشوفتش فيكى يوم هنا .. و كل ما اجى افرح انا .. تجبيلى هم وعكننة .. و لا يوم بتبقى مظبطة .. و بتفضلى متلخبطة
عجزتينى وانا شباب .. و شوفت فيكى العذاب .. و سففتينى التراب ..و خلتينى شخبطة .. ليه الحياة متلخبطة
و لو صحيت عندى امل .. حد يقولى ايه العمل .. قبل اما يجى يوم أجل ..تقوليلى و بكل افترا .. ماتبطل فيا شعبطة .. و بتفضلى متلخبطة
[ads2]
Comments are closed.