تعرفوا علي فوائد ووصفات فيتامين E

فوايد فيتامين E :
* مضاد للأكسده و ده بيخليه فعال جدا فى حماية الجلد و البشرة من الاشعة الفوق بنفسجة اللى بتيجى من الشمس و بيحمى خلايا البشرة من التلف ..

* بيساعد على محاربة التجاعيد و علامات التقدم فى السن و الخطوط الرفيعة اللى بتظهر فى منطقة الفم ..

* بيدخل فى تحضير كتير جدا من كريمات ترطيب البشرة لانه بيعتبر مرطب و مغذى جيد للبشرة ..

* بيعتبر واقي جيد من الشمس و بيحمى من الاسمرار و حروق البشرة الناتجة عن الحرارة العالية ..

* كمان بيساعد فى علاج امراض جلدية كتيرة خصوصا فى حالات الحبوب او الالتهابات الجلدية ..

مصادر فيتامين E :

فيتامين E ليه مصادر كتير ة زى بذور عباد الشمس والسبانخ والافوكادو واللوز وكمان موجود بنسبة فى زيت الزيتون..

وصفة لنمو الشعر بإستخدام فيتامين E :

المكونات :
علبة زبادى 
عسل ابيض
شريط كبسولات فيتامين e ” تقدرى تلاقيه بسهولة فى الصيدليات ”
الطريقة :
هنخلط علبة الزبادى مع مقدار مناسب من عسل النحل و عليهم شريط من كبسولات فيتامين e فى الخطوة الثانية هتحطى الخلطة كلها على نار هادية جدا لحد ما الكبسولات تسيح و بعدين قلبى المزيج مرة تانية كويس
اغسلى شعرك كويس و بعدين افردى الخلطة دى على شعرك كله و خصوصا فروة الرأس و غطى شعرك بغطاء رأس و سيبيى الخلطة لمدة من 2 ل 3 ساعات
فى الخطوة الاخيرة اشطفى شعرك كويس بمياه دافية وكررى الوصفة دى من مرة لمرتين كل اسبوع علشان توصلى للنتيجة المطلوبة..

فــــــاطمة