تعلمي كيف تنظمين وقتك بين العمل والمنزل

[ads2]

كثير من البنات اللي بيشتغلوا بيعانوا من مشكلة انه مفيش وقت يعملوا فيه اى حاجة لنفسهم او فى البيت و ان حياتهم فيها عدم نظام و فوضى و ده بيخليهم يحسوا انهم مش بينجزوا اى حاجة فى بيتهم و مرهقين و محبطين علطول

و مش عارفين يوازنوا بين البيت و الشغل و فى الآخر ممكن يضطروا انهم يسيبوا شغلهم و دى حاجة مش حلوة لان ممكن جدا نكون ناجحين فى حياتنا العملية و كمان الخاصة بحل سهل و بسيط اسمه تنظيم الوقت..

*  أول خطوة هي الورقة والقلم  اكتبى كل المسؤليات اللى عليكى ما بين مواعيد شغلك و مسؤلياتك فى البيت ..

* ابتدى في تخطيط يومك بالوقت و الساعة الخطوة دى مهمة عشان هتساعدك تحددى بالظبط ايه اكثر الحاجات اللى ممكن تاخد وقتك و ايه اكثر الحجات اللى بتضيعلك وقتك و مجهودك و مش لازم تعمليها كل يوم ..

* من الحجات اللى ممكن ترهقك جدا او تضيعلك وقت كثير انتى ممكن تكونى محتاجاه لنفسك او لراحتك و نومك هى المطبخ و الاكل حضرى قائمة بالاكل و الحجات اللى عايزة تشتريها من السوبرماركت لمدة اسبوع و الطلبات دى هتساعدك كمان تحضرى اكل بكميات تكفى يومين او تلاتة و ده هيقلل وقت وقوفك فى المطبخ طول الاسبوع ..

*  حددى اولوياتك كل يوم و شوفى ايه الحجات اللى لازم تتعمل و المهمة لان فى حجات ممكن تتعمل اسبوعيا و حجات لازم تتعمل كل يوم..

*  بلاش تاخدى معاكى اى شغل للبيت  اى ورق او ملفات او حاجة عايزة تقرأيها خليها دايما فى وقت الشغل بلاش تأجلى او تأخرى حاجة عن وقتها و دايما خلى وقت الشغل للشغل ووقت البيت ليكى و للبيت لانك هتحسى بأرهاق شديد و هتضطرى تفضلى سهرانة و ده طبعا هيأثر على نشاطك تانى يوم و مش هتكونى قادرة تعملى حاجة ..

لازم تعرفى ان اعداء النجاح هما قلة التركيز و التأجيل للحجات المهمة وانك تحطى لنفسك خطط غير واقعية ممكن توصلك للفشل 

اهم حاجة عشان تنظمى وقتك انك تكونى متسامحة مع نفسك و مترهقيش نفسك و متعمليش كل حاجة فى نفس الوقت ..

[ads1]

فـــــــــــاطمة