ازاى اكون الانثى الوحيده فى حياه زوجى
ازاى اكون الانثى الوحيده فى حياه زوجى
* بسم الله الرحمن الرحيم *
السلام عليكم ورحمه الله وبركاته النهارده هنتكلم عن ازاى ابقى الانثى الوحيده فى حياه زوجى
فى البدايه بتنطقى كلمه انثى بكل سهوله انتى تعرفى يعنى ايه انثى ازاى اكون الانثى الوحيده فى حياه زوجى….
فى ستات كتير فاكره ان الانوثه فى المظهر الخارجى لا والف لا الانوثه فى كل شىء من بدايه المظهر
الخارجى للايد وللشعر لنبره الصوت وطريقه الاكل وتصرفاتك امام زوجك كل زوج بيحب يشوف
مراته كامله بتلبس كويس مش بس فى الشارع لا كمان فى البيت بمعنى بشوف ستات كتير بتقف
بالساعات امام المراءه وهى خارجه بتتزين وبتدقق فى ادق تفاصيل مظهرها وهى
خارجه علشان تكون بالنسبه للناس كامله وبمظهر حسن
ازاى اكون الانثى الوحيده فى حياه زوجى
*طب فكرتى ياجميله الجميلات تكونى امام زوجك بااحسن مظهر ازاى انا اقولك ازاى بصى لنفسك فى
المرايه وانتى فى البيت راضيه بمظهرك ان الناس تشوفك فى الشارع كدا اكيييييييييد لا طب هنعمل ايه بصى
ياستى هتبتدى تجددى من تسريحه شعرك وليكن هتبتدى بتسريحات بسيطه وايه المشكله انك تحطى
ميك اب بسيط يبرز ملامح وشك ويظهر جمالك وانتى فى البيت هنيجى
بقى للايد قبل كدا نزلت وصفه للاهتمام باادينا وممكن نقولها تانى او اشياء مبسطه منها استخدمى
اى كريم مرطب للايد ونوع معطر منعش واختارى لون للمانكير وجددى كل يوم الالوان هنيجى بقى
للبس مش بطلب منك تلبسى لبس خروج بس حاولى ع الاقل تنسقى لبس بيتك بلاش نفس الترنج اليومى
ولا تعصيبه الراس اللى مودياكو فى دهيه دى وترجعى تعيطى وجوزى بص
لواحده وانا ماشيه معاه ماهو عنده حق بذمتك ا نتى مش شايفه انه عنده حق فكرى بزوجك احسن
من الناس كلها هاتى لبس للبيت
احسن واغلى واشيك من الخروج وبردو هاتيه مريح بس اختاريه بعنايه شويه هنيجى للرجل كتير
من الستات مش بتهتم برجلها
ودا غلط هنعمل ايه بصى ياستى هتروحى تعملى بادكير وليكن مره فى الشهر ونفس المانكير اللى
حطتيه في ايدك هتحطيه فى رجلك ونفس الكريم المرطب كدا اهتمينا بالعنايه الخارجيه طبعا مش
هوصيكو كستات تهتمو اكتر بالعنايه الداخليه والنظافه الشخصيه وكدا نكون خلصنا حتته المظهر
كيف اكون الانثى الوحيده فى حياه زوجى
*نبتدى بقى نبص على طريقتك مش لازم ياست الكل كل ماتتكلمى مع جوزك يحس انه بيكلم واحد صاحبه
فين الرقه فين الدلع فين نبره صوتك كاانثى عودى نفسك من دلوقتى تهدى صوتك وانتى بتتكلمى مع
جوزك وخصوصا لو فى وقت نقاش متحسسيهوش ان فى راجل بيتكلم مع وكله بالمسايسه والطريقه
الحلوه بيتحل هتعمليلى فيها بقى عم عبده مش هتكسبى غير انك هتاخدى على افقاكى
ووقتها هتقولى ياريت اللى جرا ماكان الرقه ثم الرقه ثم الرقه ثم
الدلع ياست الكل وبكدا فقره طريقه الكلام تكون خلصت
طريقة التعامل المثالية مع زوجك :
*هنا بقى نبتدى الجد عمرك فى يوم فكرتى تصاحبى جوزك وتبقى سره عمرك حاولتى ولا طول
الوقت روحت فين وجيت منين وبتكلم دا ليه وبتعمل كدا ليه وخلاص صدقينى بطريقتك دى مش
هتعملى حاجه فى حياتك غير انك هتخسرى جوزك وبس طب هعمل ايه انا اقولك تعملى ايه اغلبيه
الازواج لما بيرجعو من الشغل بيبقومحتاجين اجواء هاديه وبيت مرتب وضحكه حلوه تنور
فى وشك وهو داخل بيته فى الوقت دا همومه بتقل متحاوليش تساليه اول ما يدخل استنى اكله
كويسه حاجه يشربها وجو هادى وبكل رقه مالك فى حاجه مديقاك مقالش متلحيش عليه يقول
سيبيه ياخد وقته وصدقينى هتلاقيه جاى يحكيلك من نفسه كل حاجه ولو فى حاجه ضايقتك عديها
ولو كلمه كسرتك ابلعيها حسسيه ان مفيش صاحب احن ولا اامن منك وانه يقدر يقول لكى كل
شىء ميقدرش يقوله لاى حد غير لنفسه وفجاءه هتلاقى نفسك بقيتى نفسه اللى يرتاح فيها
واللى فيها كل مميزاته وكل صفاته الحلوه وفى النهايه احب اضيف تحيه لكل ست صديقه
وام واخت وزوجه وحبيبه وعشيقه لزوجها
السلام عليكم ورحمه الله وبركاته
المزيد من المواضيع التي قد تهمك :
معلومات ونصائح مهمة لرعاية المولود الجديد
حلوووووه اوووى تسلم ايدك
بس عندى سؤال محيرنى
هو ليه انتى الى تعملى كل حاجه
مش المفروض البنت زى الولد
بمعنى مش معنى انى بنت ابقى انا الى مسؤله عن كل حاجه
مش المفروض الحياه مشاركه يعنى المفروض هو يتعب عشنها زى مهى هتتعب عشانه
زى المسلسلات الكوريه الاتنين تعبهم واحد عشان كل واحد منهم يثبت للتانى انه بيعبه
بصى يافروحه الراجل بيشتغل برا البيت وبيستحمل ضغوطات كتير وسعات بيجى على نفسه وعلى كرامته علشان اهل بيته واكيد ليه دور انه يعمل حاجات علشانها بس كبدايه فى الحياه هو يتعب بره وهى تتعب فى البيت ويعيشوا متفاهمين دى هتبقى بدايه حياتهم المتفاهمه وهنا كل زوج هيتعلم التقدير والمشاركه زى ماهى بتشاركه تعبه وهمه هو كمان هيعمل زيها