أخر الاخبار
الرئيسية / ادم وحواء / وصفات طبية وتجميل / اشياء هامة عن عملية الليزك لتصحيح النظر

اشياء هامة عن عملية الليزك لتصحيح النظر

اشياء هامة عن عملية الليزك لتصحيح النظر لازم تعرفوهم قبل ما تعملوا العمليه عملية الليزك بتعتبر اشهر عمليات تصحيح الابصار و اتعملت حوالى 20 مليون مرة فى امريكا لوحدها و تم اعتمدها طبيا سنة 1995 كحل لعلاج و تصحيح ضعف النظر بدرجاته المختلفة والعملية دى بتعالج كمان الاستجماتيزم قصر و طول النظر  لو قررتوا انكم هتعملوا عملية الليزك يبقى لازم تقرأوا المقال ده في مجلة على القهوة وهنقولكم على أشياء هامة عن عملية الليزك لتصحيح النظر لازم تعرفوهم قبل ما تعملوا العمليه .

اشياء هامة عن عملية الليزك لتصحيح النظر

اشياء هامة عن عملية الليزك لتصحيح النظر

اشياء هامة عن عملية الليزك لتصحيح النظر

عملية الليزر للعيون لضعف النظر :

ايه هى خطوات عملية الليزك ؟

العملية بتتعمل باستخدام اشعة الليزر بيخدر الجراح العين باستخدام قطرة تخدير و بعدين بيقوم

الجراح بابعاد الجفون علشان تفضل العين مفتوحة باستخدام اداة معينة  و بيحط قطعة دائرية

معينة بيستخدمها قاعدة لجهاز اسمه الميكروكيراتوم بيستخدمه فى ازالة طبقة سطحية رقيقة

من القرنية  بعد كده بيطلب الدكتور من المريض انه يبص لاشعة حمراء متقطعة و كده بيكون

تصحيح النظر بدأ  بعد ما بيخلص الدكتور بيقوم باغلاق القرنية مرة تانية و بكده تكون

العملية انتهت . و العملية بتاخد حوالى 30 دقيقة .

بعد عملية تصحيح النظر :

ايه هى الاثار الجانبية للعملية ؟

من الاثار الجانبية الطبيعية للعملة هى انه فى اول 24 لـ 48 ساعه بيبقى فى الم خفيف

و شعور بعدم الراحة فى العين و الحرقان  الرؤية المشوشة و بعض المرضى ممكن

يشوفوا زى دايرة او هالة حوالين الصورة لكن الاعراض ده مبتستمرش و بتضيع بعد فترة قليلة .

اى حد يقدر يعمل الليزك ؟

العملية رغم انها مناسبة تقريبا لكل الناس لكن فى بعض الحالات ممكن مينفعش تتعمل

ليهم العملية و هما المرضى اللى بيعانوا من الجفاف الشديد فى العين او امراض معينة

فى القرنية لانه النتايج معاهم ممكن متبقاش 100 % .

اختيار الجراح مهم ..

مهم تختارى الدكتور صح و تتأكدى انه عمل العمليه دى قبل كده و نتايجه كويسة

 و قبل العملية اقعدى معاه و اساليه عن مضاعفات العملية او ايه هى الاثار الجانبية

اللى ممكن تتعرضى ليها فى حالتك ..

فى خطورة من العملية ؟

عملية الليزك بتتعمل من سنة 1995 و بتعتبر اجراء طبى مشهور جدا فى كل العالم  

فى سنة 2011 اتعملت حوالى 11 مليون عملية ليزك فى امريكا  و اكتر من 28 مليون

عملية فى العالم  معظم الحالات بتتتعافى بسرعه بعد العملية و بيقدروا يشوفوا بشكل

طبيعى بعد ايام قليلة او اسبوع بالكتير  و التعقيدات فى العملية بتحصل لنسبة قليلة

جدا من المرضى مبتعديش 5% وبكده بتعتبر العملية آمنة جدا و مفيش منها خطورة .

هل العملية مؤلمة ؟

قبل العملية بيحطلك الدكتور قطرة مخدرة و دى بتعتبر مخدر موضعى للعين

فمبتحسيش بأى الم اثناء العملية ..

ايه هى الاجراءات اللى المفروض تتعمل بعد العملية ؟

بعد العملية الدكتور هيكتبلك على مضاد حيوى و مضاد للالتهابات على شكل قطرة

وهتستخدميها لاسبوعين بعد العملية او حسب المدة اللى بيحددها الدكتور و مهم

انك تريحى عينيكى و تبعديها عن اى مصدر قوى للضوء و كمان مصادر الضوء

القريبة من العين زى الموبايل او التليفزيون  و عادة بعد العملية الدكتور بيغطى

العين و بتشيلى الغطاء بعد حوالى 3 او 4 ايام .

تكلفة عملية تصحيح النظر :

ايه هى تكلفة العملية ؟

تكلفة عملية الليزك بتبقى حوالى 2500 او 3000 جنيه للعين الواحدة

وبتختلف حسب مكان العملية و الجهاز المستخدم .

فى طرق تانية لتصحيح النظر ؟

فى طرق تانية زى الانتاكس او الفيمتوليزك و الفيمتوسمايل .. الدكتور بعد ما يفحص

عينك و يحدد حالتها هيقدر ينصحك بالاجراء الافضل لحالتك .

تلك كانت أبرز اشياء هامة عن عملية الليزك لتصحيح النظر اتمنى لكم الفائدة .

المزيد من المواضيع التي قد تهمك :

العلاج في تركيا – مستشفى ميديكال تركيا

وصفات سهلة وبسيطة لعلاج فراغات الشعر

اقناع الطفل بالرضاعة الطبيعية بدلاً من الصناعية

اضف رد

لن يتم نشر البريد الإلكتروني . الحقول المطلوبة مشار لها بـ *

*

x

‎قد يُعجبك أيضاً

تعرف على أهم أنواع الامراض الجلدية

تعرف على أهم أنواع الامراض الجلدية

تعرف على أهم أنواع الامراض الجلدية ، اكثر اعضاء الجسم مواجهة للمشاكل والعوامل الخارجية هو ...