أنا مابخفش وحفضل أقول
كلمة حق عليها مسؤول
إن الريس راجل طيب وبشعبه دايماًَ مشغول
مشغول إنه يلم فلوسهم
بره سويسرا يحوشهلنا
وف حسبات سريه يشلها …..نفسه يأمن مستقبلنا
شفتوا إزاي بقه قلبه رحيم
عنده إيمان وضميره سليم
بيجوعكوا لجل تخسوا
آه يا شعب محتاج لرجيم
من جهلكوا بتقولوا بطاله
وإن الأحوال مش شغاله
دا الراجل نفسه يريحكم
هي الراحه تبقي عواله ؟؟
أما حكاية المنتجعات
ليه بتسموها معتقلات ؟
ليه الظن…… وسوء النيه
نفسه يفسحكوا يا بهوات
أما الكرسي واللى تقال
دا كلام مش محتاج لسؤال
الغلطه دي غلطتنا يا عالم
إن مجبناش كرسي تيفال
والله إنتوا ظالمين الراجل
ضيع عمره ومين يستاهل
حتى الأكل بيكله بدالنا
طالع واكل نازل واكل
ماله الريس بعد دا كله ؟
[ads2]
نبذة عن الشاعر احمد فؤاد نجم الملقب ( بالفاجومى)
ولد الشاعر احمد فؤاد نجم عام 1929 فى كفر ابو نجم محافظة الشرقية
وهو احد اهم شعراء العامية فى مصر ولقب بالفاجومى لشعرة الجرئ
الذى ينتقد فية الحكام ودة سبب اساسى فى انتشارة
ولة اشعار كثيرة فى العشق منهم
انا اتوب عن حبك انا
اهيم شوقا
عشق الصبايا
واشعار فى الوطنية منها
بهية
وبحبك
وصباح الخير
ولة اشعار عديدة تعبر عن افكارة السياسية منها
هما مين واحنا مين
الشحاتين
عالمحطة
ونظرا لاشعارة التى تتكلم عن الفقراء
اختارتة المجموعة العربية فى صندوق مكافحة الفقر التابع لامم المتحدة سفير للفقراء
قال عنة الشاعر الفرنسى لويس اراغون ان شعرة فية قوة تسقط الاسوار
توفى الشاعر احمد فؤاد نجم عام 2013 عن عمر يناهز 84 عام
بعد عودتة من اخر امسية شعرية فى العاصمة الاردنية
فى ذكرى اليوم العالمى للتضامن مع شعب فلسطين
HaMeS
[ads2]
Comments are closed.