عمل بلح الشام ف البيت بالصور

بلح الشام … كلنا او اكترنا بيحبه ومش بيعرف يعمله صح ؟! أنا هقولكم ع الطريقه اللى تقدروا تعملوها ف البيت ومش تحتاجه للمحلات وكلها حاجات غير مكلفه خالص وانا كمان هنزل صور ع الطريقه علشان تكون سهله عليكم

أولا المكونات :

عسل .

فانيليا .

3 بيضات .

رشه ملح .

كوب دقيق .

3/4 كوب ماء .

ربع كوب زيت .

معلقه صغيره سكر .

ثانيا الخطوات :

1_ نحط الماء ع النار وعليهم الـ1/4 كوب زيت واول ما يغلى نحط عليه كوب الدقيق والسكر ونقلبها لحد ما تستوى وتبقى بالشكل ده :

2_ نحط العجين ف العجانه تتعجن علشان تبرد او ممكن تعجنيها بايدك بس هتاخد وقت معاكى شويه .

3_بعدين نحط عليها بيضه واحده ونعجنها جامد لحد ما البيضه تدوووب ف العجين ثم الاخر والخ لحد ما ال3 بيضات يدوبوا ف العجين .

4_ نحط حله فيها زيت ع الناس ومش نسيبها تسخن اوى .

5_ نجيب كيس حلوانى [ القمع ] ونحط فيه العجينه ونجيب طبق فيه زيت ونبل اصابعنا زيت ونقطع العجين ونحطها ف الزيت ونهدى النار عليه .

6_ لما الزيت يبدأ يسخن هتلاقى البلح طلع لفوق ف الحله وهتلاقيه بقا منفوش اول ماتلاقيه اخد لون اصفر فاتح صفيه م الزيت .
7_ بعدها خلى الزيت زى ما هو ع نار هاديه واستنى البلح يبرد شويه وبعدين ارجعى نزليه ف الزيت ياخد لونه الحلو بس اوعى تحرقيه ^_^ .