عادة قضم الاظافر من العادات السيئة جدا اللي موجودة عند بنات واولاد كتير والعادة دي في الغالب بتبدأ من سن الطفولة وبتستمر في بعض الحالات لحد سن المراهقة وفي بتستمر معاهم لحد ما يكبروا ومش بيعرفوا يتخلصوا منها وللاسف ان المشكلة دي لو متخلصناش منها ممكن تتطور لحاجات تانية تضر صحتنا ..
من أسباب قضم الأظافر :
* القلق والتوتر نكون قلقانين او بنفكر في حاجة عشان نقلل من التوتر نقضم ضوافرنا او بسبب الملل نبقى قاعدين فاضيين مش لاقين حاجة نعملها نقعد نقرقض في ضوافرنا.
* ممكن تكوني بتمري بمشكلة وبتفرغي طاقتك السلبية في انك تقضمي ضوافرك.
* الحالة النفسية من اكتر الحاجات اللي بتأثر علينا بشكل سلبي ومن اكتر اسباب وجود العادة دي يعني الاحباط والاكتئاب ممكن يسببوا زيادة العادة دي عندنا.
* احيانا يكون في جلد زيادة حوالين الضوافر او جزء زيادة في ضوافرنا بنستسهل ونشيلها بسنانا بدل ما نشيلها بالقصافة .
ومن الأضرار اللي بتسببها قضم الأظافر :
لما بنستمر في قضم الاظافر زيادة عن اللزوم ممكن نجرح نفسنا ويحصل نزيف في الجلد اللي حوالين الضوافر والجرح يبقى معرض للالتهاب وده هينقل جراثيم وبكتيريا من الضوافر للفم وهيتسبب لينا في مخاطر صحية..
[ads2]
وممكن نتخلص من العادة دي عن طريق :
في انواع مانيكير ومقوي اظافر مخصوص لوقف عادة قضم الاظافر بيكون طعمها مش حلو وطبعا اول ما هتبدأي تقضمي ضوافرك هتلاقي طعمها مش حلو مع الوقت هتلاقي نفسك بطلتيها او ممكن تدهني ضوافرك بالصبار وطبعا كلنا عارفين الصبار طعمه مر قد ايه فاول ما هتبدأي تقضمي الضوافر هتلاقي طعمهم مر مع الوقت هتتخلصي من العادة دي او ممكن تدهنيهم فازلين هيعمل نفس النتيجة معاكي ..
ممكن تحطي على الضوافر لزق من بتاع الجروح عشان لما تيجي تقضمي ضوافرك هتلاقي اللزق موجود هيفكرك بالمشكلة ويخليكي تتراجعي على طول ..
Comments are closed.