كيف تختارين ملابس تليق علي بشرتك ؟

12933141_878140478963271_3351898232409280235_n

[ads1]

الوان اللبس من الحاجات المهمة جدا اللي لازم نخلي بالنا منها واحنا بنختار لبسنا بس دايما بتقابلنا مشكلة لما بنيجي نشتري لبس بنحتار في اختيار الالوان المناسبة

ومش بنعرف نختار الالوان الصح اللي تمشي مع لون بشرتنا لان الالوان اللي تليق على البشرة البيضا غير السمرا غير الخمرية ولو اختارنا لون غلط مش لايق علينا هيطلعنا بشكل مش حلو ممكن تختاري لون مثلا يغمقك او لون يخليكي باهتة وعشان نختار اللون اللي يناسبنا لازم نعرف ايه هي الالوان اللي تليق على كل بشرة في موضوعنا هنساعدك ونقولك ايه هي الالوان اللي تليق على كل لون بشرة عشان لما تيجي تشتري لبسك تقدري تختاري صح..

12993543_878140795629906_2683480386362651860_n

البشرة البيضاء:
اكتر الوان اللبس اللي بتليق على البشرة البيضا هي الالوان الغامقة زي الازرق الكحلي والرمادي كمان من الالوان اللي بتبقى حلوة جدا على البشرة البيضا الوان النيون او الالوان الفاقعة اللي هي الفوشيا والاحمر والاصفر والازرق وكمان الالوان النيود او الباستيل الناعمة زي الابيض والكريمي والوردي والازرق الفاتح او  وكمان اللون الاخضر الزمردي يعني اللي بشرتهم بيضا عندهم حرية اختيار اكتر في الالوان من اي لون بشرة تانية بس بننصحهم يبعدوا عن الالوان اللي فيها لمعة لانها بتخلي لون البشرة شاحب..

12990854_878140855629900_8066483117213485370_n

البشرة الخمرية:
البشرة الخمرية اللي هي بتكون ما بين البشرة السمرا والبيضا يعني لون وسط بين الاتنين اكتر الالوان اللي بتبقى حلوة جدا على لون البشرة دي الاخضر والازرق الجليدي والبني بكل درجاتة واللون البرتقاني كمان بيبقى تحفة على البشرة الخمرية من الالوان كمان اللي تمشي مع البشرة دي الالوان الميتاليك اللي هي الالوان النحاسية والبرونزية والدهبي بدرجاتهم الالوان دي بتدي شكل حلو جدا مع لون البشرة الخمري وكمان اللون الرمادي والالوان النيون كمان اللي هي زي ما قولنا الفوشيا والاحمر والاصفر والازرق بيطلعو حلوين جدا على البشرة الخمرية بس ياريت يبعدوا عن البيج والعاجي لان اللونين دول بيبقوا قريبين اوي من لون البشرة ومش هيظهروا جمالها ..

12963597_878140965629889_8566636929545278810_n

البشرة القمحية:
اكتر الالوان اللي المناسبة ليها الابيض والاحمر والازرق وابعدي عن الالوان القريبة من لون بشرتك..

12993404_878141095629876_2090082710787126738_n

البشرة السمراء:
اكتر الالوان اللي بتليق على البشرة السمرا هي الالوان الدافية زي الدهبي والاحمر الغامق والبرتقاني والاخضر الغامق ومن الالوان الفاتحة اللي بتليق على البشرة السمرا اللون الابيض والوردي الفاتح والبيج والرمادي وابعدي خالص عن الالوان الغامقة والالوان الفسفورية ..

12932867_878141268963192_2503502071521233526_n

في الوان اسمها الالوان المحايدة وهي الابيض والاسود خبراء الموضة في العالم حددوا اللونين دول على انهم الوان محايدة ويليقوا على اي لون بشرة وبيبرزوا جمالها ..

images (6)

 فــــــــــــاطمة

[ads2]

Comments are closed.