حلول عبقرية وسهلة لمشاكل الملابس الصعبه

حلول عبقرية وسهلة لمشاكل الملابس الصعبه ، دايما بتواجهنا مشاكل في الملابس مش بنعرف

نتصرف فيها ازاي زي مثلا ان لبانه لزقت في الهدوم او لقيتي بقعه حبر بوظت شكل الهدوم هنرميها

ونقول الهدوم باظت كده ؟ لا طبعا .. انهارده في موضوعنا هنعرف حلول عبقرية وسهلة لمشاكل الملابس الصعبة اللي هتواجهنا ..

حلول عبقرية وسهلة لمشاكل الملابس الصعبه

نضفي الكوتشي بتاعك وخليه يرجع كانه جديد

كلنا مش بنستغنى عن لبس الكوتشيهات يوميا تقريبا سواء في الجامعة او في الشغل او في

خروجاتنا الصبح لكن المشكلة اللي بتقابلنا خصوصا في الكوتشيهات البيضا لما بيتوسخ مش

نعرف ننضفه ازاي ولا نرجعه زي الاول عشان كده هنعرف  طريقة تنضيف الكوتشي

بطريقة سهلة جدا هترجعه جديد زي الاول .

هنحتاج نص كوباية خل و ربع كوباية صودا الخبز “ الكربوناتو ” و فرشة سنان  .

هنجيب طبق نحط فيه الخل و ندوب معاه الكربوناتو و بفرشة السنان هنبدأ نفرك الكوتشي

بالخليط ده و نركز على الاماكن المتوسخة اوي او اللي فيها بقع بعد ما نفركه كويس جدا

هنسيب عليه الخليط لمدة نص ساعة و بعدها نغسله بالمية و نسيبه ينشف هتلاقوه

نضف جدا و رجع كانه جديد ..

علشان تزيلى بقع السبراى

استخدام السبراى و مزيلات العرق او البرفانات مهم طبعا  لكن المواد دى بتسيب بقع على

الهدوم خصوصا لو من اقمشة ناعمة زى الشيفون و الحرير و الستان  علشان تشيلى البقع دى

استخدمى ال wipes و امسحى بيها البقع و هتلاقى نتيجة حلوة جدا  ..

اتخلصي من وبر البلوفرات الصوف ..

لبس الشتاء دايما مليان بالبلوفرات و الكارديجان الصوف ، لو لبسك الصوف بيكون

وبر هنقولك على طريقة سهلة تتخلصي بيها من االوبر كله ، مررى حجر دعك

الرجلين على هدومك الصوف علشان تجمعى الوبر كله و تشيليه بسهولة او

استخدمى مكنة الحلاقة العاية فى ازالة الوبر بسهولة ..

…………………………………………………………………………………………………………………………

حلول عبقرية وسهلة لمشاكل الملابس الصعبه

* ممكن كمان انا نشيل الصدأ عن الادوات بإننا نعصر علي الصدأ ليمون و نسيبه في الشمس

لحد ما تنشف خالص و بعدين نشطف الادوات دي ..

* كمان لو عندنا هدوم غامقة و لقينا فيها اي بقع معملة ممكن نحط عليها بوردة تلك و نسيبها

طول الليل و نصحي الصبح نغسلها ..

* ولو الهدوم وقع عليها مانكير ممكن نستخدم الاسيتون او الكحول ..

 و بكده نكون عرفنا حلول عبقرية و سهلة لمشاكل الملابس الصعبه ..

المزيد من المواضيع التي قد تعجبك :

اجمل اشكال الملابس المغربية للسيدات

أشكال الشعر المصبوغ للنساء والرجال جديد

طرق فعالة للحفاظ على الاظافر وشكلها الجذاب