[ads1]
موضة الساعات اتغيرت كتير قوي في الفترة اللي فاتت وبعد ماكانت البنات بتفضل الساعة الرقيقه الصغيرة الحجم الموضة دلوقتي متجهه للساعة الكبيرة اللي تقريبا بقت في حجم الساعات الرجالي
تاني اهم تغير حصل في موضة الساعات هو إن زمان كانوا بيفضلوا الساعات الجلد الملونه في الصبح والألوان الذهبية أوالفضية أوقات المساء والسهرات برضه الكلام ده اتغير وبقت الساعات الذهبية والفضية موضة في أي وقت,خصوصا مع اضافه الاكسسوارات..
نتكلم بقى عن إزاي تلبسوا الاكسسوارات مع الساعة دي ليها أكتر من طريقه وأكتر من شكل وممكن نفس الساعة تظهروها بشكل مختلف كل مرة تلبسوها وكأنها ساعة جديده على حسب نوع الاكسسوارات اللي لابسينها معاها.
* الساعة مع اكسسوار لون الواحد,ده شكل كلاسيكي هادي وبيبقى لايق جدا لما اللون اللي تختاروه للاكسسوار يكون لون التوب أو الشنطه.
* الساعة مع اكسسوارات ألوان كتيره ده لوك كاجوال أكتر وبرده لازم تختاره بعنايه الألوان تكون متناسقة مع بعض ويا ريت يكون اللبس وقتها ألوان ساده.
* الساعه مع الاكسسوار الدهبي أو الفضي اللوك ده كلاسيك وبيليق قوي لأوقات الليل أو المناسبات.
ودي مجموعه من الصور لاشكال ساعات مختلفة :
Comments are closed.