0
“ كلمات أغنية احنا الحياة | جنات 2016 “
احنا اللي اقوى وحده فينا ,, مشكلتها في ضعفها
واحنا اللي اضعف وحده فينا ,, فيها قوة متتحكيش
عيبنا وميزتنا ان احنا فينا ,, الحاجة وكمان عكسها
ساعات بيعمينا الطمع ,, وساعات بنرضى يادوب نعيش
احنا الحياة لكن بتضعفنا الحياة ,, وكثير بتكسر نفسنا
مستقوين من كثر خوفنا من السنين ,, عايشين نداري في ضعفنا
لا طلنا قوة ,, ولا طلنا ضعف
عايشين بنرقص ,, ع السلالم كلنا
احنا اللي لو ساكنين في قصر ,, يهمنا نسكن في حضن
واحنا اللي ندفع عمرنا ,, كله عشان حبه حنان
ممكن نبيع كل الحياة ,, والدنيا لما نلاقي حد
يخاف علينا ونبتدي ,, نعرف معاه طعم الامان
احنا الحياة لكن بتضعفنا الحياة ,, وكثير بتكسر نفسنا
مستقوين من كثر خوفنا من السنين ,, عايشين نداري في ضعفنا
لا طلنا قوة ,, ولا طلنا ضعف
عايشين بنرقص ,, ع السلالم كلنا
كلمات : محمد البوغة
الحان : محمد يحيى
