اليقين في الله

e1f9c0296be419528defd0cbe03e59a4

[ads1]

اليقين في الله والثقة في الله عز وجل هو المنجي من كل المتاعب أمر في غاية الأهمية

والثقة دى بذات لابد أن تكون عن يقين بان الله عز وجل قادرا وحكيما فيما يفعل لنا وفيما يحكم ولابد أن نتبع الثقة واليقين بحسن الظن دائما فان الله عند ظن عبده بة ” أن ظن خيرا فله وان ظن شرا فله ” لذا لابد في وقت المحن والمصائب أن نوقن ونثق في حكم الله عز وجل وان نحسن الظن حتى يخرجنا الله من كربنا هذا ويفرج همنا .

ودي قصة صغيره عن حسن الظن والقين في حكم الله والثقة في محبة الله لنا وحمايته وقدرته علي فعل كل شئ بكلمة كون فيكون …

لما بتنزل تحت الدُش وتقف فتره طويلة تستحمي .. بتلاقي صوابع رجلك وأيدك كرمشت .. جسمك تحس انه بيبوش .. صح ؟! ..

 سيدنا يونس وهو في بطن الحوت فضل 3 أيام جوا بطنه .. والحوت طلعه من بقه و رماه ع الشط .. وكان جسم سيدنا يونس بايش تمامًا زى صوابع رجلك وأيدك وأنت بتاخد دش واكتر !! شوف كمية الحنان اللي فـ الآية ربنا بيقول “ وانبتنا عليه شجرةً من يقطين ” تخيل كدا الشجرة وهي بتطلع جنب سيدنا يونس علشان تضلل عليه لان الشمس لو لمسته وهو بالشكل دا هياخد ضربة شمس ويموت ! وشوف كمان قال وانبتنا .. مقالش وكانت بجواره شجَره .. لا دى شَجره طلعتله مخصوص !! واليقطين دا .. يعني ورقها تخين الورقة حجمها نفس حجم ودن الفيل ! بحيث تكون ضله تماما وتحميه من شُعاع الشمس لحد لما يفوق وجسمه ينشف وترجع قوته من جديد .. ربنا طيب .. هيضلل عليك .. ويحميك .. مهما تبوشك الأيام والصعوبات ..

مهما تحس بضعف وكسره .. ربنا هيطلعلك الخير من وسط المِحنه حتى ولو منتاش شايف الخير زى سيدنا يونس مكنش شايف الشجرة ! صدقني هتلاقي الحلول طلعتلك فجاه من حيث لا تدري زى شَجرة يونس !! ..

 اسند علي ربنا واستقوي بيه لأنه قوي هيقويك ويجعلك تستعيد قوتك وتقدر تواجه أي شيء .. أوعاك تقلق !! ربنا لن يخزيك مهما كان الحُزن والهَم .. هيوفقك ويحقق أحلامك .

[ads2]

Comments are closed.