افضل الطرق للحصول علي شعر صحي وناعم

كتير من البنات بتواجه مشكلة الشعر الهايش خصوصا فى حر الصيف او الايام اللى بتبقى نسبة الرطوبة فيها عالية

و بسبب جفاف الجو  و كمان فى اسباب تانية ممكن تسبب للشعر الهيشان وبتبقى بسبب فى انه بيتطاير  وممكن يبقى بسبب عيوب فى الشعر نفسه انه يكون ضعيف  متقصف او خفيف هنعرف في موضوعنا ازاي نتخلص من هيشان الشعر ويبقي شعرنا صحي وناعم ..

* استخدمى سيروم serum :
اهتمى دايما انك تختارى سيروم مناسب لنوع وطبيعة شعرك خصوصا لو هتلفيه  لان السيروم مش بس بيقلل التشابك و بيمنع شعرك من انه يتعقد لكنه كمان بيدى لشعرك مظهر ناعم و صحى لامع  كمان السيروم بيرتب شعرك و بيمنعه من انه يتطايراو يهيش خلال اليوم  استخدام سيروم الشعر و الانتظام عليه مهم جدا لصحة شعرك بشكل كامل ..

ابعدى عن ” بكر الشعر ” البلاستيك :
استبدلى بكر الشعر البلاستيك اللى بتستخدميها علشان تعملى اللوك الكيرلى بالبكر المعدن او للى بيبقى متبطن او متغلف من بره علشان تتجنبى شد او تكسير الشعر اللى بيسببه لف الشعر على البكر البلاستيك  و حاولى تستخدمى بنس شعر معدنية بدل البلاستيك ..

ضفرى شعرك :
حل تانى علشان تتحكمى فى الشعر الهايش هى انك تسرحى شعرك على شكل ” ضفيرة ”  لان التسريحة دى بالتحديد بتلم الشعر و مابتخليش فى فرصة انه شعرك يهيش او يتطاير  وكمان بتكون مثالية لو الشعر من النوع الكثيف او الخشن شوية  ده غير انه شكلها بيبقى حلو جدا ..

استعملي مشط الشعر الخشب:
بعد الشاور استني شوية وبعد كده سرحيه بمشط خشب هيقلل الكهربا اللي ممكن تحصل من الفرشة البلاستك وهيحمي شعرك من التقصف والتكسير ومن الهيشان ..

قبل غسل الشعر سرحيه بفرشة شعر طبيعي:
قبل غسيل شعرك استعملي فرشه من النوع اللي شعرها طبيعي وسرحي بيها شعرك هتخلي الزيوت الطبيعية اللي فروة الراس تنزل لخصل الشعر وده بيغذيها وكمان بيدي فرصة أحسن لفروة الراس إنها تتخلص من الزيوت اللي فيها وتنضف بشكل فعال أكتر مع الغسيل..

فـــــــــاطمة