كلنا من وقت للتاني بنحب نغير لون شعرنا عشان نجدد وتغيير للوك بس المشكلة انه في كتير بيخافوا يستخدموا الصبغة بسبب المواد الكيميائية اللي فيها واللي بتسبب تلف وجفاف الشعر لكن ده اكيد مش هيوقفنا اننا نغير اللوك بتاعتنا ونغير لون شعرنا في موضوعنا هنعرف ايه هي المواد الطبيعية اللي نضيفها عشان تغير لون الحنة وتدينا الالوان اللي احنا عايزينها لشعرنا..
فوايد الحنة:
* الحنة تعتبر افضل صبغة للشعر لانها مافيهاش اي مواد كيميائية بتضر الشعر
* تعتبر علاج ممتاز لعلاج قشرة الشعر وبتمنع تساقط الشعر
* بتعالج التهابات فروة الراس وفيها مواد مطهرة بتنضف فروة الراس من الميكروبات والطفيليات
اخلطي الحنة مع كوباية كركدية مغلي و3 معالق قشر رمان مجفف ومية دافية وفنجان زيت وكوباية خل تفاح وسيبيها تتخمر 3 ساعات وبعدين ضيفي عصير ليمونة او شوية خل عادي او خل تفاح وحطيها على الشعر من ساعة لتلات ساعات وممكن نستخدم قشر الرمان بس او الكركدية بس.
اخلطي مسحوق الحنة مع كميات متساوية من القهوة والشاي ومقدار مناسب مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة او خل ونحط الخليط على الشعر ونسيبه المدة المطلوبة..
هنخلط مسحوق الحنة مع 5 معالق بودرة كاكاو و3 معالق خل تفاح او عادي وكمية مية دافية وفنجان زيت ونسيب الخليط يتخمر 3 ساعات وبعدين هنضيف عصير ليمونة ونحط الخليط على الشعر..
لصبغ الشعر باللون الكستنائي:
باستخدام البابونج وخل التفاح اخلطي كمية الحنة المناسبة لطول وكثافة شعرك وكمية مناسبة من المية الدافية وفنجان زيت من اي نوع واخلطيهم كويس وبعدين سيبيها تتخمر لمدة 3 ساعات وبعدين ضيفي عليها عصير ليمون وبعدين حطيها على شعرك من ساعة لتلات ساعات حسب درجة اللون المطلوبة وبعدين اغسلي شعرك بالشامبو والبلسم..
2 comments