نصيحه صحبتى ليا عشان ابقى بنت كيوت ورقيقه
نصيحه صحبتى ليا عشان ابقى بنت كيوت ورقيقه
انهارده عايزه اتكلم عن البنات الكيوت
اليومين دول بقيت احس انى راجل وسط اصحابى
ولما اتكلم مع صحبتى
بتقنعنى على طول انى لازم اتغير وابقى كيوت فى كلامى
يعنى لازم ابقى مده بوأى لقدام كده وانا بتكلم
وكل كلامى يبقى مث اعرف اعمل كده
نصيحه صحبتى ليا عشان ابقى بنوته كيوت كانت كده
البنت الكيوت هي كائن موجود فى كل حته فى الشارع عالنت
شويه وهلاقى ستى بقت هى كمان كيوت
صحبتى قلتلى اول حاجه عشان تبقى بنت كيوت
بينك يا منى ؟ ايوه بينك
دولابك لازم يكون كله بينك بدرجاته ولازم يبقى اللون الاساسى فى حياتك كلها
يعنى نضاره الشمس بتعتك و لون الروج بتاعك و مونكيرك
و محفظتك حتى لون كفر موبيلك يبقى بينك
. حسسى الى قدامك ديما انك بسكوته و رقيقه و ضعيفه
ايوه يعنى اعمل ايه ؟
اى حاجه متعملهاش لوحدك يعنى خلى كل اعتمادك فى الحياه علي الى قدامك
ايوه بس انا موش كده ؟
افهمى يعنى حسسى الى قدامك ديما انه هو منقذك الوحيد مثلا عشان فتحلك الكنزايه بتعتك
. دموعك تبقى قريبه يعنى لو ضفرك بس اتكسر تنكدى على امه وتعملى حداد 4ايام
ضفرك اتكسر كلمى حد من اصحابك وعيطى اوى
و كل متعيطى اكتر كل متبانى انك رقيقه وكيوت اكتر
الروج بتاعك ضاع عيطى انك مش لاقيه و فكرى فى الانتحار لو ملقتهوش
صحبتك شتمتك عيطى وقوللها انك مش هتكلميها تانى لانك منهاره
. خلى مطلبك الوحيد فى الدنيا انك عايزه شوكلا ازاى مفيش شوكلا
كلو الا الشوكلا عض قلبى ولا تعض شوكلاتى
البنات الكيوت البنات الكيوت لازم يكونو بيحبو الشوكلا
والدبايب الا دوبى دوبى
ولو غلط فى اى حاجه منهم لازم تخدى موقف وموقف حاسم كمان مش اى زعل كده والسلام
. كلامك يبقى نص عربى وكلمتين انجليزى
ولما تكتبى تكتبى بالفرانكو وبببس ودى اهم حاجه فى البنت الكيوت
ادلع ادلع خلى الارض تولع
البنت الكيوت لازم تكون بتكتب فرانكو يعنى لاااازم تتعلمى فرانكو
وكلامك كمان لازم يبقى فى وسط كلامك كلمتين تلاته انجليزى كده
ويسلام بقى لو اكتر اغنيه بتحبى تسمعيها هى اغنيه اجنبى
. مينفعش تشتمى حد مهما حصل ده انتى كيوت
مهما حصل اوعى تشتمى حد شتمك حتى لو صحبتك شتمتك بالاب و بالام
عيطى لكن متشتميش عشان انتى كيوت الكيوت موش بتشتم خلى بالك
. دى اخر نقطه واهم نقطه صحبتى قلتهالى عشان ابقى كيوت بوز البطه
طول الوقت وانتى ماشيه فى الشارع لازم تتصورى سيلفى بوز البطه
مع صحبتك الانتيم ومتسبهاش الا لو انتى دخله الحمام بس
ومتندهاش الا ب ببتى او ياحياتى انا
واعمللها منشن مكتوب عليه ببتى حببتى الحلوه بزياده
. — — — — ——- —— — — — — — — — — — .
نصيحه صحبتى ليا عشان ابقى بنت كيوت ورقيقه
نصيحه لكل شاب وكل فتاء : متبقيش حد تانى مختلف تماما عنك
متلبسيش اسلوب مش اسلوبك عشان بس تبقى بينه انك كيوت وبنت ناس
انتى كيوت بطبعتك ضحكك كلامك اسلوبك طبتك هبلك كلك على بعضك كيوت
خليكى على طبعتك ومش اى حد تبانى قدامه انك كيوت او رقيقه
انتى مش مستنيه شهاده حد يقول انك بنوته كيوت او لا
الكيوت يعنى الدلع انتى تحبى تبقى مدلعه على اى حد ؟
وبتجى فى الاخر تقولى سورى انت زى اخويا طيب منتى الى بتكلمى
الى قدامك باسلوب اوووفر يخليه يا يفتكرك شمال يا يفتكرك بتعبيه
خليكى راجل يا بت قدام الكل
وكيوت لنفسك موش العكس
ممتاثريش بكلام اصحابك او كل الى حوليكى
البنت مش بتبقى جميله بدلعها قدام الناس
البنت بتبقى جميله بحترمها وبطبيعتها الى طلعه من جواها
حتى لو الى قدامك قلك انك سواق توك توك
انتى موزه الموزز
يلا خمسه موووووووووواه وكلنا نقول بتيييييييييييخ
المزيد من المواضيع التي قد تهمك :
من هي زوجة الفنان والاب محمد صبحي
