الشاعر الكبير عبد الرحمن الابنودى او( الخال ) من مواليد 1938 فى محافظة قنا
من اشهر شعراء العرب فى العامية فهو كان يعتبر نفسة حارس على التراث
كان متأثر من صغرة بالسيرة الهلالية وكان ضليع باللغة العربية كتب عبد الرحمن الابنودى اعمال كثيرة
منها لعبد الحليم حافظ ومحمد رشدى وايضا فايزة احمد ونجاة وصباح ماجدة الرومى
محمد منير ومروان خورى كما كتب كثير من كلمات المسلسلات
ومن اشهر ما كتب عدى النهار التى تغنى بها العندليب عبد الحليم حافظ
عدّى النهار والمغربية جاية
تتخفى ورا ظهر الشجر
وعشان نتوه فى السكة شالت من ليالينا القمر
وبلدنا ع الترعة بتغسل شعرها
جانا نهار مقدرش يدفع مهرها
ياهل ترى الليل الحزين أبو النجوم الدبلانين
ابو الغناوي المجروحيين
يقدر ينسيها الصباح ابو شمس بترش الحنين
ابدا… بلدنا للنهار… بتحب موال النهار
لما يعدي فى الدروب
ويغني قدّام كل دار
والليل يلّف ورا السواقي زي ما يلف الزمان
وعلى النغم …تحلم بلدنا بالسنابل والكيزان
تحلم ببكرة واللى ح يجيبه معاه
تنده عليه فى الظلمة وبتسمع نداه
تصحى له من قبل الادان
تروح تقابله فى الغيطان
في المتاجر فى المصانع
فى المدارس و الساحات
طالعة صحبة صفوف جنود
طالعة له رجال اطفال بنات
كل الدروب واخدة بلدنا للنهار
واحنا بلدنا للنهار بتحب موال النهار
لما يعدي فى الدروب
ويغني قدام كل دار