في الصيف السنادي بتمر علينا موجة حارة يمكن ممرناش بيها قبل كده درجات الحرارة مرتفعه جدا وفي ناس كتير بتتعب وتتأثر من الحر ده او من اشعه الشمس القوية ازاي نهون علي نفسنا شوية الحر ده ونرطب جسمنا عشان نقلل من اي ضرر ممكن يحصل ؟ هنشوف شوية نصائح تفيدنا في الموضوع ده ..
10 نصائح للوقاية من حر الصيف :
1-اشربوا مياه كتير طول اليوم ده هيساعد علي ان جسمكك يكون رطب طول الوقت.
2- حطوا كريم واقى من أشعة الشمس قبلما تخرجوا من البيت .
3- البسوا لبس خفيف والوان فاتحة وابعدوا عن الملابس الغامقة.
4- خليكم علي قد ما تقدروا فىاماكن مقفوله طالما مش وراكم حاجة مهمه تخرجوا علشانها.
5- البسوا لبس واسع وابعدوا عن اللبس الضيق .
6- استبدلوا المشروبات السخنة بالمشروبات الساقعة والعصاير الفريش .
7- لو مضطرين تمشوا تحت أشعة الشمس حاولوا تختاروا الاماكن الأقل تأثر بأشعة الشمس أو استخداموا الشمسية.
8- بالنسبة للبنات والستات ابعدوا عن لبس الجينز وبدلوه بفساتين واسعه ومريحه .
9- البسوا قباعات تحميكم من اشعة الشمس .
10 – اهم حاجة بقا اننا نواظب علي الاستحمام بشكل يومى وممكن في الجو الحر ده يبقي اكتر من مرة في اليوم كنضافة وترطيب للجسم ..
