لا يعرف معنى الحب

شعر محمود مكاوى

جربت فى مره تطبطب على حبيبتك وقت زعلها
ولا انت مش فالح غير انك تضايقها وتجر شكلها
ولما ميحصلش نصيب تقول بسببها هى ومن افعالها
و لما تزهق منها تفكك وتدور على واحده تانيه بدالها

[ads1]

ما دام نزل دمعه حب من عينيها عمرك ما هتلاقى بجد زيها
كان نفسها تبقى العريس اللى ايديها على كتفه وايدك ع وسطها
دلوقتى تلاقيك بتحور على واحده تانيه وناوى تكسرلها قلبها
فى الاخر هتعرف ان فيه حب حقيقى انت ضيعته وتتمنى ترجعلها

بتنام مبسوط وسعيد وضحكتك جايبه من هنا لهنا مش هامك حاجه
جرحت قلب كسرت بنت نهيت حب برئ بكل بساطه  وسذاجه
بتقول عندك بنات كتير معاك فلوس كمان ما الدنيا دى مش محتاجه
للدرجادى معندكش قلب زى البنى ادمين ولا شايله وحاطت مكانه تلاجه

انسان بقى بيحور وبيجيب فى سيره حبيبته بكلام وحش قدام الناس
ولا كانت فارقه معاه من البدايه اهو اى حوار وارتباط و خلاص
ولا يسمع عن اصول ولا حتى بيت من بابه ولا اى حاجه من الاساس
ربنا يرحمنا من كل واحد بيفكر زيك ويحرق ده حب على ده احساس

بقلم / محمود مكاوى

[ads2]

Comments are closed.