اربع وصفات لزيادة الوزن

عشان نزود وزننا محتاجين اننا مش بس ناكل كتير وخلاص لكن لازم كمان ناكل الاكلات اللي فيها سعرات حرارية عالية والمفروض عشان نوصل لنتيجة فعالة ونزود وزننا اننا ناخد في اليوم الواحد على الاقل 5000 سعر حراري توزعيهم على وجباتك خلال اليوم ومن الحاجات المؤثرة جدا وبتساعد على زيادة الوزن هي الاهتمام بوجبة الفطار هنعرف في موضوعنا افضل اربع  وجبات فطار هتساعدنا على زيادة الوزن..

اللبن كامل الدسم:
لتر اللبن كامل الدسم بيحتوي على 600 سعرة حرارية والحاجات السايلة بيكون هضمها اسرع واسهل من الحاجات الصلبة يعني فايدتها هتوصل اسرع ليكي اشربي كل يوم لتر لبن كامل الدسم بعد وجبة الفطار هتساعد جدا في زيادة وزنك..

الشوفان:
الشوفان من الحاجات اللي بتساعد على زيادة الوزن كل 100 جرام شوفان فيه 400 سعرة حرارية عشان كده يعتبر من افضل الاكلات اللي ممكن ندخلها في وجبة الفطار بتاعنا وعشان نزود قيمته الغذائية وفعاليتة في زيادة الوزن ممكن نضيف عليه زبدة فول سوداني او لبن كامل الدسم او المكسرات بانواعها “اللوز والكاجو وعين الجمل” الفاكهة “موز او تفاح او كمثرى او اناناس او افوكادو” او فواكة مجففة ” زبيب او تمر او خوخ او مشمش” , جبنة, زبادي, تونة, وممكن نضيف حاجة واحدة من الحاجات دي او نحط اكتر من حاجة حسب اختيارنا..

 مشروبات زيادة الوزن:
ممكن نعتمد المشروبات في وجبة الفطار زي عصير الموز والتفاح اللبن كامل الدسم وممكن نضيف عليه زبدة فول سوداني وشيكولاتة عصير الفواكة اي نوع تفضليه , عصير الموز باللبن كامل الدسم , بروتين بودر وبيضة نضيفهم على كوباية لبن كامل الدسم..

البيض الاومليت:
البروتين من الحاجات المهمة جدا لزيادة الوزن عشان كده البيض يعتبر من الحاجات الفعالة اللي هتساعدك انك تزودي وزنك وعشان نزود قيمتة الغذائية ممكن نضيف له قطع لحمة او لحمة مفرومة او قطع فراخ او تونة او جبنة فيتا او بارميجان مبشورة او خضروات نشوية زي البطاطا والبطاطس والعدس والفاصوليا وطبعا نحط التوابل الملح والفلفل الاسود والكمون..