أخر الاخبار
الرئيسية / ادم وحواء / المطبخ / شخصيتك من نوع قهوتك

شخصيتك من نوع قهوتك

images

تقريبا مفيش حد فينا مبيحبش القهوة  مش بس لانها ضرورية فى يومنا و لازم الصبح نشرب قهوة علشان نصحصح و نقدر نكمل اليوم ولكن لان القهوة كتير بتبقى هى الحاجة اللى محتاجينها علشان نعدل مزاجنا ونستمتع بوقت معين فى اليوم و يا سلام لو معاها مشغلين المزيكا اللي بنحبها عشان كده فيه دراسة اتعملت هتورينا القهوة ممكن تقول ايه عن شخصية كل واحد فينا..

14492463_980844088692909_2728111718356896049_n

القهوة التركى و الاسبريسو :
محبين القهوة التركى و القهوة الاسبريسو بيميلوا للبساطة والجو الكلاسيك فى حياتهم عموما مش بمعني انهم قدام فى اختيارتهم لكنهم بيميلوا للهدوء و البعد عن الدوشة فى كل امورهم خاصة فى اختيار الملابس و بيميلوا للستايل الكاجوال و الاستايل الكلاسيك و كمان عقلانيين جدا فى قرارتهم  معروفين بالتزامهم و لما بيلتزموا بحاجه صعب اقناعهم يسيبوها ممكن يبقوا نقاد و صعب يسامحوا الناس على ضعفهم لكن مخلصين جدا لاصحابهم و عندهم استعداد يعملولهم اى حاجه ..

القهوة السادة :
عندهم قدرات ذهنية ممتازة و مبدعين و بيقدروا يشوفوا الحلو و المختلف فى اى حاجه . .

 الكابتشينو :
محبين الكابتشينو رومانسيين وحالمين بطبيعتهم حساسين جدا واحيانا زيادة عن اللزوم لكن بيقدروا مشاعر الناس من حواليهم  بيقدروا الصدق و الاخلاص فى اصحابهم و مبيرفضوش انهم يناقشوا اى حاجه جواهم  و دايما بيختاروا شغل فيه مساحه من الابداع و اللى بيبقى ليه علاقة بعلم النفس او الثقافة لانهم بيبقوا مهتمين جدا يعرفوا الناس و يفهموهم..

download

اللاتيه و الموكا :
اللى بيحبوا اللاتيه والموكا شخصياتهم بتبقى عفوية وهايبر جدا بيحبوا الالوان و الحفلات والرقص و الخروج للاكل فى المطاعم ومعروفين وسط دايرتهم بشكل كبير و بيقدروا يشتغلوا فى الشركات الكبيرة و معندهومش مشكلة فى انهم يتكلموا عن نفسهم و يتريقوا على حياتهم الشخصية متفائلين جدا و سهل التعامل معاهم واى وقت معاهم بيبقى وقت حلو و ممتع عدوهم الرئيسى هوالملل وانهم ممكن ينخدعوا بسحر اى شخص بسرعه و من غير ما يفكروا لكن بيقدروا يتعاملوا مع اى مشاكل بتقابلهم و يحلوها ..

القهوة المثلجة:
محبين مشروبات القهوة المثلجة معروفين بحيويتهم و دايما مستعجلين و مبيعرفوش الانتظار مزاجيين وفضوليين و بيعرفوا يشاركوا بحماس مع الافكار او الشخصيات الجديدة  وبيقدروا يدافعوا عن الحاجات اللى بيؤمنوا بيها بشكل ممتاز ومبيعملوش حساب لكلام الناس و بيعبروا عن آرائهم بشكل مباشر ورغبتهم فى انهم يقولوا الحقيقة اوقات كتير بتعملهم مشاكل لكنهم معندهومش مشكلة فى ده و شايفين انه الحقيقة دايما اهم ..

 

اضف رد

لن يتم نشر البريد الإلكتروني . الحقول المطلوبة مشار لها بـ *

*