أخر الاخبار
الرئيسية / ادم وحواء / دليلك لأفلام عيد الفطر 2016

دليلك لأفلام عيد الفطر 2016

افلام-عيد-الفطر-660x330

كل سنة وانتوا طيبين بمناسبة اقتراب عيد الفطر عيد سعيد عليكم .. طبعا في العيد كلنا بنحب نخرج ونقضي وقت حلو مع العيلة ومع اصحابنا ومن اكتر الاماكن اللي بنحب نروحها في العيد هي السينما لان دايما في الاعياد بيبقى في سباق بين الافلام وبتنزل كل الافلام الجديدة  ..

13438910_921693227941329_333459221565932651_n

فيلم جحيم في الهند
الفيلم من بطولة محمد عادل امام, حسن حسني, ياسمين صبري, بيومي فؤاد, حمدي الميرغني, مصطفى خاطر, واحمد فتحي, والفيلم انتاج مشترك بين مصطفى صقر ومحمد عز الدين, واخراج معتز التوني..

13438972_921693991274586_1974716603114519702_n

 فيلم سطو مثلث
الفيلم بطولة احمد السعدني, وكلوديا حنا, وبيومي فؤاد, ريهام حجاج, وعبد الله مشرف, والفنان الراحل سعيد طرابيك وده اخر فيلم صوره قبل وفاته, وبتدور احداث الفيلم حوالين شخصية علي المراكبي اللي بيقوم بيها احمد السعدني اللي هيكتشف وصية لجده من العصر الفرعوني وبيرجع من خلال احداث الفيلم للماضي, الفيلم تأليف مشترك بين امين جمال ومحمد محرز, واخراج محمد يونس..

13438972_921694027941249_2613488829056931039_n

فيلم عسل ابيض
فيلم عسل ابيض مقتبس من الفيلم الامريكي اللي كلنا بنحبه ومعلم في ذكريات طفولتنا “Baby’s Day Out”, والفيلم بطولة سامح حسين, وبيومي فؤاد, وميرهان حسين, وكريم عفيفي, ولطفي لبيب, ودينا محسن, واحمد راتب, ومصطفى بسيط, وشيماء سيف, والفيلم تأليف محسن رزق, واخراج حسام الجوهري..

13521969_921694091274576_3498061785420252729_n

 فيلم 30 يوم في العز
الفيلم بطولة سعد الصغير, واحمد فلوكس, وصافيناز, ومحمود الليثي, وسليمان عيد, وشيماء سيف, والفيلم بتدور احداثه حوالين شاب وبنت عايشين في حارة شعبية وهيحبوا بعض وبتحصل بينهم مشاكل كتير ومواقف كوميدية, والفيلم من تأليف سيد السبكي, واخراج هاني حمدي..

13533107_921692917941360_7416201966952526420_n

فيلم من 30 سنة
احمد السقا العيد ده هيكون معانا من خلال فيلم من 30 سنة وهيشاركوا بطولة الفيلم مجموعة كبيرة من الفنانين منهم منى زكي, شريف منير, ميرفت امين, احمد فهمي, وصلاح عبد الله, ونور اللبنانية, والفنانة الصاعدة جميلة عوض, وبتدور احداث الفيلم في اطار تشويقي حوالين شريف منير اللي بيحلم كل يوم بكوابيس انه بيقتل شخص ميعرفوش وبيصحى تاني يوم يلاقيه فعلا مقتول وبيروح يستنجد بصديقة اللي بيقوم بدوره احمد السقا الفيلم تأليف ايمن بهجت قمر واخراج عمرو عرفة..

13557695_921694197941232_8586047279990164794_n

فيلم بارتي في حارتي
بطولة محمد لطفي, وصلاح عبد الله, ودينا, والمطربة الشعبية امينة, ودياب, وعبد الله مشرف, وايمان السيد, ومن المتوقع ان برومو الفيلم ينزل خلال ايام, والفيلم من تأليف احمد عيسى, واخراج يونس..

13590399_921693871274598_7060208908388729462_n

 فيلم الباب يفوت امل
بيقوم ببطولة الفيلم شريف سلامة, ودرة, وياسر الطوبجي, وخالد عليش, واحمد راتب, وشيماء سيف, ومحمد متولي, والفيلم بتدور احداثة حوالين المشاكل الزوجية ودرة بتقوم بدور محامية ومتجوزة من دكتور بيطري اللي بيقوم بدورة شريف سلامة وبتحصل بينهم مواقف كتير كوميدية, والفيلم من تأليف مجدي الكوتش, واخراج احمد البنداري..

13592156_921693721274613_6257100747267766658_n

فيلم ابو شنب
فيلم ابو شنب بطولة مشتركة بين ياسمين عبد العزيز وظافر العابدين, وبيشاركهم البطولة بيومي فؤاد, لطفي لبيب, ورجاء الجداوي, وبتدور احداث الفيلم في اطار كوميدي حوالين ظابط شرطة نسائية اللي بتقوم بدورها ياسمين وبتتعرض خلال شغلها لتحرش جنسي وبتقرر من اللحظة دي انها تتصدى لظاهرة التحرش الجنسي في المجتمع, الفيلم تأليف خالد جلال, اخراج سامح عبد العزيز..

اضف رد

لن يتم نشر البريد الإلكتروني . الحقول المطلوبة مشار لها بـ *

*