أخر الاخبار

اليوجا !!

13083380_889790921131560_3947548565720517793_n

مفيش بنت فينا مش مشغولة طول الوقت بصحتها و رشاقتها و انه جسمها يبقى شكله حلو و فى صحة كويسة و كتير بنحاول حاجات زى التمرين الرياضية و الدايت لكن ممكن نزهق بعد فترة و نبطل نحاول  لكن لو انتى لسه بتحاولى و مايأستيش و لسه بتدورى على حلول سهلة و بسيطة علشان تكسبى رشاقتك و شكلك الحلو هنعرف في موضوعنا طريقة جديدة وهى ” اليوجا “


” اليوجا” معروفة انها مش بس صحة و غذاء للجسم  لكنها صحة للعقل و النفس كمان و مهما كان سنك بتقدرى تمارسيها و تتمتعى بكل فوايدها لانها بتساعدك فى تصفية ذهنك و الاسترخاء و كمان بتفيدك فى انه بشرتك تبقى اجمل ومن فوائد اليوجـــــا :  

* خسارة الوزن :
بتعتبر واحدة من افضل و اسهل طرق خسارة الوزن  بسبب انه لليوجا مش بس بتحرق السعرات الحرارية و لكنها كمان هتخليكى واعية اكتر بصحتك و صحة جسمك و كمان بتعتبر فعالة جدا فى تخفيض نسبة الكوليسترول و كمان هرمون الكورتيزول ..

* بشرة متألقة :
لليوجا قايدة تانية حلوة جدا و هى انها بتساعدك على انه بشرتك تبقى نضرة و متألقة وده لانها بتقوى الدورة الدموية للجسم و كمان بترفع من نسبة الاكسجين فى الدم وكمان لانها بتساعدك على تصفية ذهنك و الاسترخاء ده بينعكس على وشك و بشرتك فبيبان رايق و شكله صحى اكتر و كمان الممارسة المنتظمة لليوجا هتحقق التوازن لجسمك ..

* التخلص من التوتر :
اليوجا بتعتبر طريقة رائعة للتخلص من التوتر و القلق  والممارسة المنتظمة لليوجا هتظبط مودك جدا و كمان هتخلصك من الارق ..

* السلام الداخلى :
تمارين التنفس المنتظمة و جلسات التأمل اللى بتعتبر جزء اساسى من جلسات اليوجا بتساعدك فى انه نفسيتك تهدى جدا و بالك يرتاح وتفصلى شوية من اى حاجه شاغلاكى و هموم الشغل او البيت او الدراسة مع التدريب المنتظم عقلك هيبقى اهدا و هتلاقى نفسك متزنة اكتر و بتفكرى بطريقة احسن ..

 

اضف رد

لن يتم نشر البريد الإلكتروني . الحقول المطلوبة مشار لها بـ *

*