الرئيسية / ادم وحواء / المطبخ / ما لا نعرفه عن المكسرات

ما لا نعرفه عن المكسرات

748125

طبعا مافيش حد مننا مش بيحب المكسرات بكل انواعها لكن معظمنا بياكلها لان طعمها حلو ولذيذة وبناكلها كتسالي بس لكن هي ليها فوايد صحية كتير جدا

لانها غنية بالفيتامينات والمعادن والكالسيوم وبتوفر البروتين للجسم, احنا النهاردة هنقولكم على فوايد انواع المكسرات كلها للجسم ولكل البنات اللي هيخافوا ياكلوا المكسرات عشان زيادة الوزن هنقولكم كمان على الكمية اللي المفروض ناكلها من كل نوع عشان نحافظ على وزننا.

تعالوا نعرف مع بعض فوايد المكسرات ..

7687_864502283660424_7622906025056871590_n

السوداني:
السوداني هو مصنف من البقوليات لكن فيه نفس الفوايد الصحية والغذائية اللي موجودة في المكسرات فيه نسبة عالية من حمض الفوليك والالياف والمعادن زي الماغنسيوم والفسفور والبوتاسيوم ناكل منه يوميا 30 حبة سوداني ..

155732_864502160327103_6116319902711998776_n

الكاجو:
الكاجو بيحتوي على نسبة عالية جدا من البروتين والمعادن زي الزنك والحديد ولو انتي بتعملي رجيم ومتبعة نظام غذائي نباتي يبقى احسن اختيار ليكي عشان تدخليه في نظامك الغذائي كمان غني بالماغنسيوم المعدني وده مفيد جدا في تحسين الذاكرة وتأخير فقدان الذاكرة اللي بيجي مع التقدم في العمر ممكن ناكله كده زي ما هو او نحطه على الاكلات بتاعتنا ناكل منه يوميا 15حبة ..

10259833_864502530327066_7761496278823357782_n

عين الجمل:
عين الجمل غني جدا بمضادات الاكسدة اللي بتحمي الجسم من السرطان ده غير مصدر جيد جدا للعناصر الاحادية غير المشبعة والدهون المفيدة او الصديقة للقلب والدراسات اثبتت ان عين الجمل بيساعد على خفض نسبة الكوليسترول السيء في الجسم وغني جدا باحماض اوميجا 3 ويعتبر هو انسب بديل للاسماك اللي فيها اوميجا 3 زي السلمون والتونة للي مش بيحب السمك ممكن يستبدله بعين الجمل ممكن ناكل منه يوميا 20 حبة ..

12321275_864502510327068_8229260487730892658_n

الفسدق:
الفسدق غني جدا بفيتامين B6 وده مهم جدا لانه بيحافظ على توازن هرمونات الجسم بشكل صحي والفسدق هو نوع المكسرات الوحيد اللي في مستويات معقولة من اللوتين و الزياكسانثين ودول اتنين من اهم مضادات الاكسدة اللي بتحمي العين وبيحتوي كمان على البوتاسيوم والالياف ممكن ناكل منه يوميا لحد 30 حبة ..

1097989_864502593660393_5864144195714429526_n

البندق:
البندق من المسكرات المفيدة جدا للقلب وفي الحماية من مرض الشلل الرعاش لانه بيحتوي على نسبة عالية من حمض الفوليك وده الحمض المسئول عن ظبط مستوى الاحماض الامينية في الجسم وبيحافظ على مستواها معتدل ويخليها مترتفعش في الجسم لان الاحماض الامينية لو ارتفعت بتسبب امراض القلب والشلل الرعاش وبالتالي لما يحافظ عليها معتدلة في الجسم هيحميكي من الامراض دي ناكل منه يوميا 20 حبة بندق ..
 

12733508_864502120327107_1951404205910104857_n

اللوز:
لو انتي مش بتحبي اللبن او منتجات اللبن احسن بديل ليكي هو اللوز لانه غني جدا بالكالسيوم وطبعا ده مهم لبناء العظام والحماية من هشاشة العظام ده غير ان فيه نسبة عالية جدا من فيتامين E  وعناصر غذائية بتساعد على تحسين البشرة وبتخليها صحية ومافيهاش اي شوائب واللوز بيحتوي على مادة فلافونيدات المفيدة جدا للقلب وبتحمي من امراض القلب ممكن ناكل منه يوميا 20 حبة لوز ..

images (6)

فــــــــــــــاطمة

2 تعليقان

  1. اككثر حاجة بحبها الكاااجوو ضعيفة قدامة , ومعلومات مفيدة برضو في حاجات اول مره اعرف عنها , يعطيكِ الف عافية يا قمر .

  2. تسلمي اروي 🙂

اضف رد

لن يتم نشر البريد الإلكتروني . الحقول المطلوبة مشار لها بـ *

*