أخر الاخبار
الرئيسية / ادم وحواء / وصفات طبية وتجميل / عصائر مفيدة لنضارة البشرة

عصائر مفيدة لنضارة البشرة

download

جمال البشرة مش بيكون بس بالماسكات لكن بيبدأ من جوه الجسم بالحاجات اللي احنا بناكلها او بنشربها بتأثر على بشرتنا بشكل سلبي او ايجابي على حسب احنا بناكل او بنشرب ايه, في موضوعنا هنقولكم طرق لعمل عصائر مفيدة  لنضارة البشرة  و تفتيحها والحفاظ على رطوبة الجسم وصحة الجلد ..

14906860_1013551362088848_8332249966554024902_n

العصاير دي بتحتوي على كتير من انواع المغذيات النباتية اللي بتساعد على تنشيط الدم وانسجة الجسم واستعادة توازن الجسم ومش بس كده لكن المفاجأة كمان ان الوان العصير ليها دور في الجسم اللون الاحمر بيحمي من التهابات المسالك البولية وامراض السرطان واللون البنفسجي مفيد جدا للبشرة والقلب والمخ والعظام والاوعية الدموية وبتحمي من الشيخوخة الاخضر مفيد للعين والجلد والرئتين والكبد و اللثة الابيض مفيد للعظام و الجهاز الدوري “وده اللي بيتكون من القلب والاوعية الدموية والدم ووظيفتة نقل الغذاء المهضوم والاكسجين والماء لجميع خلايا الجسم” اللون الاصفر مفيد لتقوية المناعة وللنمو وتقريبا اغلب الناس بنسبة 80% مش بيستهلكوا كل المغذيات النباتية اللي بيحتاجها الجسم بشكل يومي وبالتالي ده بيأثر على صحة الجلد, عشان كده العصاير دي هتعوض نقص المغذيات النباتية في الجسم ..

ولازم نتأكد اننا دخلنا فيها معظم المغذيات النباتية زي الاخضر والبنفسجي والاحمر عشان نوصل للنتيجة اللي احنا عايزينها وتبقى بشرتنا صحية ومتوهجة, ولما نحضر عصير الخضروات نضيف له فاكهة بشكل كافي عشان نعمل توازن في الطعم ويبقى طعمها حلو ومقبول للشرب ومننساش نضيف لها المكسرات اللي لونها اصفر زي عين الجمل واللوز والكاجو لانها بتزود فايدة العصير وبتقوي تأثيرها الايجابي على البشرة..

14908301_1013551562088828_1286538828080071082_n
عصير الخيار والتفاح:
قطعي خيارة وضيفي لها تفاحة متقطعة و ½ عصير ليمونة وبرتقانة و ½ رمانة حطي كل المكونات في الخلاط واضربيهم كويس مع بعض واشربيه ..
المشروب ده بيحافظ على شباب البشرة وبيساعد على تفتيحها وبيخلي البشرة متوهجة ومنورة و الجلد شكله صحي جدا وبيرطب الجسم, بيساعد في عملية الهضم وبيطرد السموم من الجسم, وبيقي من امراض الروماتيزوم والترسبات الملحية في الجسم, وكمان يعتبر مشروب مهديء ..

14523124_1013551882088796_6310945202748881647_n

عصير الطماطم والجزر:
اخلطي 2 ثمرة طماطم مع 2 ثمرة جزر وضيفي لهم شوية مية واضربيهم في الخلاط وممكن تضيفي لهم اي نوع فاكهة مفضلة عندك ولو انتي حابه الطعم من غير فاكهة ممكن تستغني عنها ..
المشروب بيساعد على تنقية البشرة, بيمنع ظهور حب الشباب, بيجدد خلايا البشرة, ترطيب البشرة والجسم, وبيخلص الجسم من التعب والارهاق وبيديه طاقة وبالتالي ده بينعكس بشكل ايجابي على البشرة وبيخليها نضرة وصحية, وكمان مفيد للنظر لانه غني بفيتامين أ الموجود في الجزر, بيمنع ظهور التجاعيد المبكرة ..

14720402_1013551645422153_1187388482005147257_n

عصير البنجر والجزر والبروكلي والثوم والكرفس:
هنخلط البنجر مع الجزر والبروكلي والثوم والكرفس ونضربهم مع بعض في الخلاط, وممكن لو مش متوفر عندك بروكلي ممكن تستبدله باي نوع خضار تاني لونه اخضر, وممكن تضيفي له عنب او موز او اي نوع فاكهة من اختيارك ..  

14915316_1013551705422147_2217183999320744957_n

 العصير الاخضر والاحمر ” الفراولة – السبانخ – البنجر” :
اخلطي كميات بنسب حسب اختيارك من الفراولة والسبانخ والبنجر واضربيهم في الخلاط وممكن تشربيه قبل الغدا ..
المشروب ده يعتبر طريقة سريعة جدا وفعالة للحصول على كل المواد المغذية للبشرة اللي بتساعد على توهجها ونضارتها, ده غير انه غني جدا بالمواد المضادة للاكسدة اللي بتساعد على مكافحة الشيخوخة, بينقي وبيطهر الجسم, يعتبر مقشر للبشرة بيساعد على تفتيحها, وكمان مفيد ومريح جدا للمعدة ..

14947885_1013551965422121_4270764302212583015_n

عصير مية جوز الهند والسبانخ والموز:
اخلطي مية جوز الهند ” المية الموجودة جوه ثمرة جوز الهند ” مع كرفس وسبانخ و ½ موزة وزنجبيل وريحان وتين اضربيهم مع بعض في الخلاط واشربيه وممكن تضيفي اضافات تانية من الخضار والفاكهة  ” حسب اختيارك “
المشروب ده مش بس مفيد للبشرة وبيساعد على توهجها لكن كمان ليه فوايد صحية كتير جدا ..

14962591_1013551688755482_5744008829030022759_n

العصير الاخضر:
اخلطي الخيار مع سبانخ ولفت وبقدونس وعصير ليمون وكزبرة وزنجبيل وجل صبار الالوفيرا وطماطم وممكن تضيفي اي خضار تاني متوفر عندك في البيت واضربيهم مع بعض في الخلاط ..
العصير ده بيدي بشرتك كل المغذيات النباتية اللي محتاجها وبالتالي ده بينعكس بشكل ايجابي جدا على البشرة وصحة الجلد ..

14980609_1013553822088602_2202692823193604702_n

عصير الجزر والسبانخ:
اخلطي الجزر مع السبانخ واضربيهم مع بعض في الخلاط وممكن تضيفي اضافات تانية من المغذيات النباتية من الخضار والفاكهة حسب اختيارك ..
العصير ده بيخلي البشرة منورة وبيحافظ جدا على صحة الجلد وكمان مفيد جدا لصحة العين ..

* في كل العصاير اضافة المية بكمية بسيطة حسب نوع كل عصير في عصاير يمكن متحتاجش مية لان فيها انواع خضار وفاكهة هتنزل المية بتاعتها لكن اللي هيحتاج مية نحط كمية بسيطة على حسب ما يحتاج والمفروض انه ميكونش خفيف يكون سميك شوية ..

اضف رد

لن يتم نشر البريد الإلكتروني . الحقول المطلوبة مشار لها بـ *

*