الرئيسية / كتابات / قصص قصيرة / روحين فى حكاية بقلم اسماء عبدالله

روحين فى حكاية بقلم اسماء عبدالله

527632_10151407380503547_1659297020_n

هاى ازيكم انا البنت صاحبة الكعب العالى.
وانا البنت صاحبة الكوتشى.
بصوا عشان ما تتلغبطوش بينا انا هاكتب ببنفسجى

وانا هاكتب بازرق 

بدات حكايتنا لما كان عندنا 8 سنين واتنقلنا انا وهى من فصلنا لفصل تانى منعرفش حد فيه فكنا انا وهى لوحدنا
كانت هى بتحب انها تستخبى لوحدها اخر الفصل
وكانت هى بتحب تقعد اخر الفصل عشان بتتشاقى
المهم عدت السنة وانا وهى ملناش غير بعض لان بسبب انا بستخبى وهى بشقاوتها محدش كان بيصاحبنا
ورجعنا فصلنا تانى سنة بس برضه كنا لوحدنا لان السنة بعدتنا عن اصحابنا
وخلصنا ابتدائى ورحنا نفس المدرسة ماحنا خلاص بقينا مش بننفصل زى التوأم السيامى وخلصنا اعدادى وثانوى بس اكتشفنا فروق صغيرة عن بعضنا
الفروق دى هى الى قربتنا من بعض
المهم انا مثلا بحب البنفسجى وهى بتحب الازرق
انا سريعة جدا وهى كسولة وبطييييييييييييئة جدا 😛
انا بحب الفساتين وهى بتحب البنطلونات
وانا بحب الكوتشيهات وهي بتحب الكعب العالى ومن هنا بقيت انا صاحبة الكوتشى وهى صاحبة الكعب
حتى الورد هى بتحب زهرة اسمها اذن الفار وانا بحب الليلك واللافندر
اسمها لا تنسانى يا جاهلة
جت فترة هى سيطرت عليا جدا وبقيت انا اضعف منها وبقيت بلبس بنطلونات زيها وبتحرك بسرعة زيها وبحب الحركة
وجت فترة انا ضعفت وبقيت بلبس فساتين وكعب عالى وبحط مكياج يع -_-
هههههههههههه فرق مهم تانى انا بحب الشوكلاتة وهى بتكرهها كره العمي بس انا بجبرها تاكلها 😛
متفكرنييييييش انا بكرهك بسبب كدا -_-
حتى الايموشنز المفضلة لينا انا بحب دا :$ وهى مدمنة دا -_- اصله بيعبر عنها ديما
هى خجولة اوى عشان كدا بتحب تعمل الايمو دا وخجلها دا ضعف
وهى جريئة جدا وبتحب تنطلق وتتجنن ومجنونة رسمى والناس بتفهمها غلط
دلوقتى انا المسيطرة بحاول اجرأها شوية عشان تخرج من القوقعة الى هى فيها. دا بتهته لو كلمت حد
انا نفسى ابطل تهتهة ولجلجة فى الكلام لما اتكلم مع حد فى شغل او عادى وابطل كسوف
عشان كدا قررت اسيبها هى الى تسيطر

اه على فكرة انا وهى بنت واحدة فينا الشخصيتين
واحدة فينا بتسيطر احيانا حسب الظرف والتانية بتكش بس قررنا انا وهى اننا نبقى شخصية واحدة ونبطل لجلجة وتهتهة وقلق ونعيش عشان ننجح
وهاننجح لاننا عايزين ننجح
عشان معدش ينفع فشل معدناش صغيرين
احنا مش مجنونة كل الى شاف دى لفترة شافها هشة ولما شافها بعدها قالها هو ليه انتى تبانى هشة وانتى مش هشة ( حد فهم حاجة :D)
بس احنا مش هشة احنا بس بنضعف ونرجع نقوى ببعض
هاتوحشونا ولو شوفتونا فى يوم حاولو تعرفوا مين المسيطرة بس مش هاتعرفوا
اصل مفيش فى يوم حد عرف
بس ماتقلوش علينا مغرورة
احنا مش مغرورة احنا بس عايزين نعيش من غير قلق ولا خوف
يلا سلام
وافتكروا فى يوم صاحبة الكوتشى
وصاحبة الكعب العالى

بقلم اسماء عبدالله

تعليق واحد

  1. الله عليكى يا مورى بجد روعه فعلا احنا جوانا غير اللى بنتعامل بيه والظرووف بتحتاج التغيير

اضف رد

لن يتم نشر البريد الإلكتروني . الحقول المطلوبة مشار لها بـ *

*