أخر الاخبار
الرئيسية / ادم وحواء / نصائح لتنظيف الثلاجة

نصائح لتنظيف الثلاجة

ref

تعتبر الثلاجة من اهم الاجهزة الكهربائية في البيت ومنقدرش نستغني عنها والحفاظ على الثلاجة ونظافتها يضمن الحفاظ على صحة العيلة كلها وده لأن الثلاجة هي مخزن الاكل والشرب اللي بيستخدمه كل اللي ف البيت

وممكن تفتكري ان ثلاجتك نظيفة او مترتبة لكن في الحقيقة الثلاجة بتحتاج للنظافة بشكل دوري عشان مايتكونش فيها بكتريا وجراثيم ..

طريقة تنظيف الثلاجة :

اول حاجة هنعملها قبل تنظيف الثلاجة هي تجهيز المنظف والثلاجة بتحتاج لمنظف قوي عشان نتخلص من البيكتريا والجراثيم وبنحتاج كمان ليفة نضيفة ماستخدمنهاش قبل كده وفوطة ناشفة ونضيفة

احتياجات منظف الثلاجة:

 كوبين من المياة
 كوباية من الخل الابيض
 ملعقتين من الصابون السايل
 خمس نقاط من زيت القرفة او زيت البرتقال
 حطي المكونات في بخاخة ماية فاضية وحضريها للاستعمال

اما بقى خطوات التنضيف فهي كالتالي:

12919906_871401796303806_4532076749216510450_n

* افصلي التيار الكهربي عن الثلاجة
* خرجي كل الاواني برة الثلاجة
* اخلعي كل الارفف اللي ينفع تتخلع وحطيها في الحوض واغسليها بالماية والصابون ماتنسيش تكرري نفس الحكاية في الفريزر كمان

download
* ابدأي باستخدام المنظف اللي عملتيه رشية على كل الجوانب بتاعة الثلاجة
* ادعكي كويس بالليفة النظيفة
* امسحي داخل الثلاجة بالفوطة النظيفة وجففيها كويس

* نشفي الارفف ورجعيها مكانها

12494695_871402182970434_1710046163482824490_n
* قبل ما ترجعي الاكل في الثلاجة، اتأكدي من تاريخ صلاحية كل حاجة
* شيلي الاكل في علب نظيفة محكمة الغطاء وبلاش الحلل جوة الثلاجة
* بلاش كمان الكراتين زي كرتونة البيض، حطي البيض في المكان المخصص له في باب الثلاجة او حطية في بولة كبيرة مفتوحة

images
في الآخرامسحي باب الثلاجة من برة وخصوصا مقابض الابواب لأنك بتمسكيها كتير وانتي بتبخطي واكيد مليئة بالبكتريا والجراثيم

كيفية_تنظيف_الثلاجة_من_الروائح_الكريهة
* حطي ملعقتين من البن المطحون في طبق مفتوح في الرف السفلي من الثلاجة عشان يمتص اي روايح كريهةاو ممكن تستبدليه بقطعة فحم او نص كوباية كربونات الصوديوم مخلوط مع 20 قطرة من زيت القرفة او زيت البرتقال
اهتمي بتنظيف الثلاجة مرة واحدة على الاقل في الاسبوع
ماتنسيش ان الحفاظ على نظافة الثلاجة هي الخطوة الاولى للحفاظ على صحة اسرتك..

images (6)

فـــــــــــــــاطمة

اضف رد

لن يتم نشر البريد الإلكتروني . الحقول المطلوبة مشار لها بـ *

*