أخر الاخبار
الرئيسية / ادم وحواء / سر الكركم وراء نضارة بشرتك

سر الكركم وراء نضارة بشرتك

9576_878575882253064_3156963201603894256_n

الكركم مش مجرد نوع من التوابل اللي بتدي طعم حلو ومختلف للاكل بس لكن الكركم ليه فوايد جمالية كتير جدا للبشرة

حتى انه معروف من زمان ان الكركم من العادات الاساسية للعروسة الهندية قبل فرحها بتفرك بشرتها وجسمها كلها بالكركم وده لان فيه مواد مضادة للاكسدة ودي من الحاجات المهمة جدا اللي بتحافظ على صحة البشرة وبتحميها من التلف والالتهابات ومن حب الشباب وبتحميها من بقع البشرة وبتوحد لونها وبتفتحها وبيساعد على تقليل التجاعيد ازاي نستخدم الكركم عشان نعمل كل ده ؟ 

تعالوا نشوف الوصفات دي ..

944327_878576005586385_3448492911543412163_n

وصفة الكركم لتبييض البشرة:

المكونات:
 2 معلقة كبيرة دقيق 
معلقة صغيرة كركم
3 معالق كبيرة لبن
ربع معلقة صغيرة عسل نحل


طريقة التحضير والاستخدام:
اخلطي المكونات كلها مع بعض كويس وافردي الخليط على البشرة وسيبيه 20 دقيقة لحد ما ينشف وبعدين اغسلي بشرتك بمية دافية وادهنيها بكريم مرطب ..

12961684_878576025586383_1714942905202516649_n

لتغذية البشرة والحفاظ على نضارتها:

المكونات:
 ربع معلقة صغيرة كركم.
5 معالق كبيرة زبادي.

طريقة التحضير والاستخدام:
اخلطي الكركم والزبادي مع بعض كويس وادهني الخليط على بشرتك بفرشة او بايدك وسيبيه على البشرة 20 دقيقة لحد ما ينشف وبعدين اغسلي بشرتك بمية دافية..

12987058_878576215586364_17697424614674436_n

لتنضيف البشرة:

المكونات:
كبسولة فحم او حبوب فحم “موجود في الصيدلية”
معلقتين صغيرين كركم.
معلقتين صغيرين عسل نحل
نص معلقة صغيرة زيت جوز هند
من نص لربع معلقة مية كمية مناسبة لحد مايبقى الخليط متجانس

طريقة التحضير والاستخدام:
نفرغ محتويات كبسولة الفحم ولو مش موجود كبسولات ممكن نطحن حباية فحم وهتلاقوه موجود في الصيدلية ونضيف على الفحم الكركم والعسل وزيت جوز الهند والمية واحدة واحدة عشان نعجن الخليط مع بعضه وبعدين نفرد الخليط على البشرة ونسيبه نص ساعة وبعدين نغسله بمية دافية..

images (6)

فـــــــــــــاطمة 

اضف رد

لن يتم نشر البريد الإلكتروني . الحقول المطلوبة مشار لها بـ *

*