أخر الاخبار
الرئيسية / كتابات / أشعار وحكم / اجمل ما كتب الشاعر احمد رامى

اجمل ما كتب الشاعر احمد رامى

images

من اجمل ما غنت ام كلثوم للشاعر احمد رامى

حيرت قلبى معاك 

حيرت قلبي معاك.. وأنا بداري وأخبي

قل لي أعمل إيه وياك.. ولا أعمل إيه ويا قلبي

بدي أشكي لك من نار حبي.. بدي احكي لك ع اللي في قلبي

وأقولك ع اللي سهرني.. وأقولك ع اللي بكاني

وأصور لك ضنى روحي.. وعزة نفسي منعاني

يا قاسي بص في عينيا.. وشوف إيه أنكتب فيها

دي نظرة شوق وحنيه .. ودي دمعة بداريها

بدي احكي لك ع اللي في قلبي

وده خيال بيين الأجفان.. فضل معاي الليل كله

سهرني بين فكر وأشجان.. وفات لي جوه العين ظله

وبين شوقي وحرماني.. وحيرتي ويا كتماني

بدي اشكي لك من نار حبي

وأقول لك على اللي سهرني.. وأقول لك ع اللي بكاني

وصور لك ضنى روحي ..وعزة نفسي منعاني

ياما ليالي أنا وخيالي ، أفضل أصبر روحي بكلمة يوم قلتها لي

وبات أفكر .. في اللي جرى لك…. واللي جرى لي

وأقول ماشافشي الحيرة.. على لما با سلم

ولاشافش يوم الشوق.. في عيني راح يتكلم

وارجع أسامحك تاني .. واحن لك والقاني

بدي اشكي لك من نار حبي

بدي احكي لك ع اللي في قلبي

وأقول لك ع اللي سهرني.. وأقول لك ع اللي بكاني

وأصور لك ضنى روحي.. وعزة نفسي ما نعاني

خاصمتك بيني وبين روحي.. وصالحتك وخاصمتك تاني

وأقول أ بعد يصعب علي روحي.. تطاوعني ليزيد حرماني

ح أفضل أحبك من غير ما أقولك..إيه اللي حير أفكاري

لحد قلبك ما يوم يدلك.. على هواي المداري

ولما يرحمني قلبك .. ويبان لعيني هواك

وتنادي ع اللي انشغل بك.. وروحي تسمع نداك

ارضى اشكي لك من نار حبي

وابقى احكي لك ع اللي في قلبي

وأقول لك ع اللي سهرني.. وأقول لك ع اللي بكاني

وأقول يا قلبي ليه تخبي ..وليه يا نفس منعاني

نبذة عن الشاعر الكبير احمد رامى

شاعر مصرى من اصل تركى ولد عام 1892فى حى السيدة زينب بالقاهرة

درس فى مدرسة المعلمين وسافر بعثة الى باريس من اجل تعلم نظم الوثائق والمكتبات

واللغات الشرقية وحصل على الشهادة من جامعة السوربون

قدم لام كلثوم 110 اغنية من اشهرها

على بلد المحبوب سنة 1935

ياليلة العيد سنة 1939

عودت عينى سنة 1958

حيرت قلبى معاك سنة 1961

افرح ياقلبى 1937

جددت حبك لية 1952

ساهم فى ثلاثين فيلم سينمائى اما بالتأليف او بالاغانى او بالحوار

من اشهرها

وداد

عايدة 

دنانير

الوردة البيضاء

ومن اشهر الكتب رباعيات الخيام وديوان رامى

توفى الشاعر الكبير احمد رامى سنة 1981

ولكن تبقى كلماتةواشعارة انة شاعر الحب احمد رامى

HaMeS

 

تعليق واحد

  1. مبدعة هموسةة , وطبعاً أكيد جميلة الكلمات واللي غناها , يعطيكِ الف عافية .

اضف رد

لن يتم نشر البريد الإلكتروني . الحقول المطلوبة مشار لها بـ *

*