أخر الاخبار
الرئيسية / كتابات / قصص قصيرة / حكايه بنت توفت , اقراوها للاخر

حكايه بنت توفت , اقراوها للاخر

13690966832

بسم الله الرحمن الرحيم

انهارده هحكى عن حكايه بنت الحكايه بتتكلم عن الموت المفاجئ

بلاش تستغربوا من الموت المفاجئ .. بلاش لما حد يجى يقولك انه تعبان نفسيا وان قلبه واجعه بلاش تستهتر بكلامه وتقول ايه الهبل ده قرب منه شوف ايه اللى تاعبه وحاول تهون عليه ولو بجزء بسيط

البنت دى عندها 28 سنه واللى بيحكى الحكايه واحد كان مرتبط بيها

انا عرفت البنت دى فى فتره كانت بتحتضر من الحياه والدنيا مغلباها ومش مدياها ريق حلو حكتلى عن حياتها وبدات اتعامل معاها واهتم بيها واعوضها عن شئ كانت محتجاه 

كان عندها جرح قديم بدات ادوي فيه وبمرور الوقت اتحولت بقيت زى نفس الجرح بقيت صورة طبق الاصل منه

كنت قاصد لان ده كان بيشبع رغبتى فى انى بسيطر عليها وكنت بشوف انها حابه تبقى مكسورة قدامى ومذلوله ليا كل ما كانت بتتضغف كنت انا بستقوي واحس بلذه ده وكل يوم والتانى بدوس عليها عادى..

ولا فارق معايا فكل الحالات يمين شمال هعرف ارجعها ليا تانى كنت بسيبها وتتحايل عليا متسبنيش 

البنت دى بدا وشها ينطفى وانا مش متخيل ان ده مرض بقول ده اكتئاب عادى من اللى بعمله فيها عدى وقت وبدات تختفى من حياتى  واكلمها متردش بدا احساس الضعف والانهزام يتغلب عليا  رسايل شتيمه

كانت دايما تقولى هانت قبل اما اسيبها وتقولى انت مستعجل ليه طب بس خليك معايا هانت هانت هانت

كلمتنى من تليفون ارضي رقم غير المحافظه بتاعتنا

انا وهى قالتلى انها فى المستشفى فقولتلها مالك قالتلى مفيش وانها عندها حمى وهتعدى عدى شهر وانا بكلم فيها مش عشان خايف عليها عشان اثبت لنفسي انى اقدر اتحكم فيها غرورى محتاج يتشبع غزيرته

والدتها ردت عليا لانها من ضمن خطتى لما كنت بطمنها ان اهلها يبقوا عارفين والدتها قالتلى بنتى فى العنايه المركزة بقالها اسبوع

انا سمعت الكلام ده كنت مفكر انهم بيستعطفونى المهم روحتلها وانا مش متاثر عايز بس اشوف بيكدبوا عليا ولا لا 

لقيتها متعلقه فى اجهزة غريبه ومش لابسه حاجه غير الجاون بتاع المستشفى عرفت من والدتها انها كانت بتعمل علميه قلب مفتوح والقلب مات لكن المخ لسه شغال ومستنين الروح تتطلع

قعدت جمب سريرها لمده ساعه متنح افتكرت انى كنت بزعقلها وتقولى طيب بالراحه كانت بتقولى انها حاسه ان قلبها بيوجعها اتاريها مكنتش بتمثل ولا بتستعطفنى كان بيجيلها ذبحات وانا السبب مسكت موبايلها لقيتها كانت بتكتب حاجات ليا ومتبعتهاش 

انا قتلتها ومكنش جوايا ذرة رحمه وهيا كل اللى عملته انها فكرت تستنجد بيا وانقذها من الغرق 

انا كنت حيوان ومقدرتهاش قد ايه كنت سبب فى حزنها وكنت بستمتع انى كل يوم بنيمها منكده مكنتش اعرف انى كل يوم بجبلها ازمه قلبيه 

” الولد استغل نقطه ضعفها وانها مكسورةوقدر فى وقت قصير يتحكم فى قلبها بسهوله ! “

أوعى فى يوم تكسر قلب بنت حبيتك بجد لا اتاكد ان فى يوم هتجيلك اللى تتسلي بيك وتكسر قلبك ..

اضف رد

لن يتم نشر البريد الإلكتروني . الحقول المطلوبة مشار لها بـ *

*