أخر الاخبار
الرئيسية / ادم وحواء / شوية مفاهيم ملخبطة

شوية مفاهيم ملخبطة

117

في ناس بتبص للزواج علي انو بيع وشراء مفيش حاجة اسمها احنا بنشتري راجل لان الراجل مش حاجة مادية قابلة للبيع والشراءومفيش حاجة اسمها انو حيقدر يعيشك عشان الماديات عمرها ما كانت سبب انو يعيشك,سهل جدا

يعيشك ماديا ويموتك كل ثانية نفسيا,مفيش حاجة اسمها المهم اخلاقها وانها متربية وبنت ناس لان اخلاقها مش حتملي عينه بيهم لو محبهاش بالعكس دا ممكن يستخدم اخلاقها سلاح ضدها لو حب يخونها.

الزواج مش ضل راجل ولا ضل حيطة,لو دي وجهة نظرك في الزواج يبقي اركني واستخبي جنب اي حيطة ساعتها حتحسي بالضل الي بدوري عليه واكتر. الزواج مش معناه انك تلغي شخصيتك فيه,ع فكرة انفراد كل واحد برأيه وبشخصيته حيقربكم من بعض اكتر ع الاقل حيخلق بينكم روح و مجال للكلام والنقاش وبكده ممكن نتغلب ونكسرالروتين الي ممكن يخنقكم من خلال تبادل وجهات النظر 

مش معني انك خايف من قوة شخصيتها انك تهرب منها,او تحاول ديما تكسرها وتخبي ضعفك في السيطرة عليها

حافظى على كونك أنثى مش معنى انك ليكى أحلام وطموحات انك تقتلى روح الانوثه جواكى,الوسطيه حلوة فى كل حاجة, حبي شغلك واحلامك بس برده حبي الانثى اللى جواكى

الرجوله مش معناها انك تستقوى وتكسر فيها ع قد ماتقدر علشان تثبت انك الأقوى,الأقوى هو الأقوى بالمشاعر والحب ,هو الأقوى بالتفكير الأقوى يعنى الأكتر فى القدره ع الأحتواءوالأطمئنان طمنها وأحتويهاوقدرهاوساعتها بس هتحس انك الأقوى ع العالم كله ..

10 تعليقات

  1. فعلا كلام مهم جدا لازم نقتنع بيه ومشي بيه في حياتنا .. جميل يا ندود تسلم ايدك 🙂

  2. تسلم ايدك يا دودو فعلا وياريت كل راجل يعرف ان الزواج حياه واسره واستقرار وهيا بردو لازم تراعى ربنا ف بيتها .
    بالتوفيق يا دودو يارب

  3. مع إنها حاجة شبه صعبة في الزمن ده , لان لا الراجل بقا ملتزم بواجباته , ولا البنات بقت بتستحمل , الزواج قبل كل ده مسؤولية وصبر وتحمل لآزم يكون في صبر على المشاكل لان مفيش بيت خالي من المشاكل , وربنا يوفق كل الناس ويسعدها يارب , تسلم إيدك يارب يا ندى .

  4. ممتاز تسلم ايديكى … (y) Big Like

  5. الله يسلمك

  6. جاااااااااااااااااااااااامده تسلم ايدك والله

اضف رد

لن يتم نشر البريد الإلكتروني . الحقول المطلوبة مشار لها بـ *

*