أخر الاخبار
الرئيسية / تكنولوجيا / تكنولوجيا عامة / المحفظة الذكية الجديدة للمترو اسرع واسهل

المحفظة الذكية الجديدة للمترو اسرع واسهل

received_1767112780184421

هيئة المترو طلعت المحفظة الذكية الجديدة عشان تسهل على ركاب المترو انهم يركبوا من غير زحمة قطع التذاكر ولا موال عمل الاشتراك الطويل 

بما اني من الى بيركبوا المترو بانتظام عملتها على طول وقلت اجيب لكم معلومات عنها تفيد الى بيستخدمو المترو

 المحفظة نفسها سعرها 10 جنيه مش مشخصنة (يعنى من غير اسم ) ممكن تشحنها لمدة 5 سنين من غير مشاكل وممكن اى حد يستخدمها مش الى عاملها

الكارت دا ممكن تشتريه من اى محطة مترو وبيبقى مشحون من اول 10 جنيه لحد 90 جنيه (يعنى لو هاتشتريه مشحون ب 10 هايبقى ب 20 وفيه 10 رحلات لو ب50 يبقى مشحون ب 40 وقيمة الكارت يبقى 10)

بيظهر عدد الرحلات فى الكارت على المكنة بيقولك هى اصلا مشحونة بكام وفاضل فيها كام رحلة 

بعد ما تخلص الرحلات ممكن تشحنه من اى مكتب اشتراكات قريب منك (اشهر مكاتب الاشتراكات :رمسيس ،التحرير ،عين شمس ، المرج، الزيتون، وشبرا الخيمة )

كل الى بتعمله تروح تديهم الكارت والمبلغ الى عايز تشحن بيه من اول 10 جنيه لحد 100 وبيتشحن فى 5 دقايق

مش ممغنط زى الاشتراكات القديمة فمش هاتخاف تحطه جنب الفضيات فيبوظ لا دا الكترونى

كمان مش هاتخاف يتغسل ويدوب لانه كارت بلاستك مش ورق

اخر حاجة بقى مش هاتقف فى زحمة قطع التذاكر وتلاقى مليون واحد بيقولك اقطعي ليا  معاك يا انسة 

3 تعليقات

  1. بالتوفيق يارب

  2. والله فكره حلوه الصراحة , تسلم إيدك يارب يا موري

  3. نايس ربنا يوفقك

اضف رد

لن يتم نشر البريد الإلكتروني . الحقول المطلوبة مشار لها بـ *

*