أخر الاخبار
الرئيسية / تكنولوجيا / تكنولوجيا عامة / احذف رقمك من برنامج Truecaller بشكل نهائي

احذف رقمك من برنامج Truecaller بشكل نهائي

Truecaller

طبعاً معظمنا يعرف برنامج TrueCaller وللي ميعرفهوش البرنامج ده بيسمحلك تعرف مين اللي بيتصل بيك عن طريق ان اي شخص بينزل البرنامج بياخد نسخة من كل جهات الاتصال اللي عنده ولو انت نزلته فهو أكيد سجل رقمك .. طيب ولو لقيت ناس كتير معاها رقمك انت مش عاوز يبقى معاها رقمك وارقام غريبة بترن عليك وتعاكسك خصوصا البنات بقى .. في موضوعنا النهاردة هنتعلم ازاي نحذف الرقم الخاص بينا بشكل نهائي من TrueCaller 

الطريقة بسيطة جداً .. هندخل على الرابط ده Remove Number – TrueCaller وننزل بعجلة الماوس او بالكيبورد شوية وهتبقى الصفحة بالشكل ده 

2016-01-30_035206

بص قبل اي حاجة لو انت عامل حساب على TrueCaller اعمله تعطيل من التطبيق نفسه عن طريق انك تضغط على الصورة الشخصية بعد كده Settings بعدها About بعد كده Deactivate Account بالعربي هيبقى اعدادات بعد كده حول بعد كده تعطيل الحساب تمام كده ؟؟ طيب جميل اوي .. الصفحة اللي فوق بقى هنكتب فيها الرقم بتاعنا بس تركز معايا هتكتب الرقم ازاي

كل دولة بيبقى ليها Code بيبقى علامة + ورقم مثلاً في مصر [+20] في السعودية [+966] ولو معرفتهوش Code الدولة الخاص بيك اكتبلي اسمها في تعليق وهكتبهولك .. طيب نكمل بعد ما كتبنا كده ؟؟ لو انت في مصر مثلا متكتبش +20010 لا كده غلط هنكتب +2010066.. مثلا او +201153.. وهكذا يعني ال20 بعدها تكتب من اول 1 مش صفر تمام ؟ معلش طولنا في الحتة دي بس عشان ناس كتير بتغلط فيها 

هتكتب رقمك في الخانة الموضحة وتحدد سبب انت ليه عاوز تشيل رقمك وافضل سبب انك تكتب سبب اخر عشان في كل سبب هتقوله هيقعد يجبلك مبررات عشان يستعرض قدامك قدرات البرنامج اكتب في السبب الأخر “لا اريد استخدام تطبيق TrueCaller لأنه يزعجني” وريح دماغك 

بعد كده اكتب الحروف الموضحة في الصورة في خانة التحقق واضغط على حذف الرقم وانتظر 24 ساعة وجرب تدور عليه تاني ومش هتلاقيه في قاعدة بيانات البرنامج بإذن الله بس لما تيجي تدور عليه دور عليه من الكمبيوتر عشان التطبيق كده مش هيشتغل عندك في الموبايل ^_^ ..

اضف رد

لن يتم نشر البريد الإلكتروني . الحقول المطلوبة مشار لها بـ *

*