أخر الاخبار
الرئيسية / ادم وحواء / وصفات طبية وتجميل / وصفات سهلة وبسيطة لعلاج فراغات الشعر

وصفات سهلة وبسيطة لعلاج فراغات الشعر

download

كتير مننا بيعانوا من ظهور فراغات في شعرهم بقع كاملة غالبا دائرية بتبقى فاضية من الشعر وشكلها مزعج جدا وغالبا بتؤثر علينا نفسيا وبتحسسنا أنها بتشوه جمالنا حتى لو بقية الشعر مفيهوش مشكلة وهنعرفي في موضوعنا  وصفات سهلة وبسيطة لعلاج فراغات الشعر وازاي ممكن نخلي الشعر يرجع ينمو في الأماكن دي بأسرع وقت ممكن ..

14639659_996189630491688_2771580598420481594_n

* وصفة المساج والتدليك:
تدفق الدم في فروة الرأس وبصيلات الشعر من أهم العوامل اللي بتخليه ينمو وبيساعد على ملء الفراغات اللي بتظهر في فروة الرأس لازم الدم يتدفق دائما لفروة الرأس ومنابت الشعر وعشان كده حاولي دايما تسرحي شعرك باستخدام فرشاة ناعمة عدة مرات في اليوم وسواء كنتي بتغسلي شعرك أو بتضيفي زيت أو ماسك احرصي على التدليك بأطراف الأصابع وعمل المساج وخاصة في المناطق المصابة .. استخدمي خليط من زيت الخروع وجل الصبار في التدليك مرة او مرتين في اليوم لمدة خمس دقايق وسيبيهم يومين وبعدين اغسلي شعرك نهار اليوم التالت..
14666327_996192757158042_3094039401841969658_n
* وصفة الزيوت:
المكونات
زجاجة نظيفة فاضية
معلقة زيت خروع
معلقتين زيت جوز هند نقي
معلقتين زيت زيتون بكر
معلقة زيت بذر الكتان
معلقة من زيت اللوز
عشر نقاط من زيت النعناع الصافيع

الطريقة:
اخلطي الزيوت مع بعض في الزجاجة
قبل ما تستخدمي الخليط ده لدهان المناطق المصابة رجيه كويس جدا عشان الزيوت كلها تتداخل ودفيه لمدة عشرين ثانية في الميكروويف أو باستخدام حمام ماء ساخن على الزجاجة من الخارج
– دلكي المناطق المصابة مرتين يوميا و شيلي بقية الزيت في التلاجة ومتنسيش الرج والتدفئة قبل كل استخدام ..

14642294_996193587157959_8140022060274634940_n 
* وصفة ماسك البيض:
المكونات
بيضة كاملة
معلقتين زيت جوز هند نقي
معلقة كبيرة عسل النحل
عصير ليمونة

الطريقة:
اغسلي شعرك بالشامبو والماء الدافي بعدين اخلطي المكونات كلها مع بعض كويس ووزعي الخليط على الجدور كويس جدا ودلكي اماكن الفراغات كويس بعدين سيبي الماسك لمدة 45 دقيقة الى ساعة بعدين اشطفيه كويس جدا و استعملي بلسم مغذي و ا لماسك ده يتعمل مرة أو مرتين بالكتير كل أسبوع وهو بشكل عام مفيد لكثافة الشعر ..
14502784_996193463824638_3175752594810418978_n 
* وصفة زيت الخردل والحنة:
المكونات
كوباية من زيت الخردل
اربع معالق كبيرة من بودرة الحنة
الطريقة
اغسلي شعرك كويس ودلكي تحت ماية دافية عشان المسام تتفتح بعدين سخني الزيت على حمام مياه ساخنة وضيفي بودرة الحنة و قلبي كويس جدا عشان يتخلطوا مع بعض كويس بعدين دلكي فروة الشعر كويس بالخليط الدافي و ركزي على الاجزاء اللي فيها فراغات و اربطي شعرك ببنسة او كلبس وسيبيه لمدة ربع ساعة وبعدين اغسلية ..  
14705871_996194760491175_8213629593959967494_n
* وصفة الحليب والعرقسوس:
المكونات
اربع معالق حليب دافي
معلقتين بودرة عرقسوس
رشة بسيطة زعفران
الطريقة
اغسلي شعرك كويس ودلكيه تحت الماية الدافية عشان المسام تتفتح بعدين دفي الحيب في المايكروويف او على نار هادية جدا بعدها دوبي العرق سوس في الحليب و حطي الزعفران بعدين حطي المزيج على الفراغات و الاماكن اللي محتاجة تنبتي فيها الشعر و دلكي كويس بعدها وزعي باقي الخليط على جدور الشعر و سيبيه طول الليل و اغسلية الصبح
وزي ما اتفقنا قبل كده لازم التدليك المستمر بالزيوت و بلاش تمشطي شعرك وهو مبلول لازم ينشف الاول كويس وكمان خلي ادوات التسريح بتاعتك من الخشب او العاج بلاش البلاستيك والسلك و اخيرا فكي شعرك اغلب الوقت بلاش تربطية بالتوك او الايشارب طول وجودك في البيت و بشكل خاص جدا بلاش تربطيه اثناء النوم ..

 

 
 

اضف رد

لن يتم نشر البريد الإلكتروني . الحقول المطلوبة مشار لها بـ *

*