أخر الاخبار
الرئيسية / كتابات / ذكريات رمضانية رائعة مستمرة كل عام

ذكريات رمضانية رائعة مستمرة كل عام

13335868_909124335864885_8723744159237876263_n

رمضان شهر كل حاجة فيه جميلة الصلاة والصوم واكيد طبعا الاكل دى حاجة مش محتاجة كلام ويعتبر احلى شهر فى السنة هو رمضان وكفاية اللمة والاغانى الجميلة بتاعت رمضان زى اهو جه يا ولاد و اغنية رمضان جانا رمضان اعظم شهر فى السنة كلها وليه معانا ذكريات جميلة من طفولتنا في منها لسه موجود وفي منها اختفي بس الاصل موجود ودايما بنحن ليه ..

13269290_909124469198205_7367607876681767159_n

فوازير نيللي وحكايات شريهان في الف ليلة وليلة
بقيت ذكريات الفوازير موجودة في الذاكرة كلنا لسه فاكرين أم العريف والخاطبة وعالم ورق وعروستي 
 للمبدعة نيللي والكلمات اللي كانت بتقولها خلال الفوازير وكمان مش هينفع ننسى أسطورة الاستعراض التي لم تتكرر شريهان قدمت شريهان أنجح وأجمل الاستعراضات في فوازيرها على مدى سنوات أشهرها الف ليلة وليلة وحاجات ومحتاجات وحول العالم وكمان فطوطة مع سمير غانم وبكار وبوجي وطمطم اللي كلنا بنحب نتفرج عليه لغاية دلوقت..

13332797_909124385864880_4535781196337610995_n

زينة رمضان والفانوس
زينة رمضان وتعليقها والفانوس اللى بشمعه وكمان الناس اللى بتهنى بعضها بفرحةوالعزايم كل يوم عند حد من العيله فانوس رمضان كان زمان ليه جمال خاص فى رمضان عكس دلوقتى خالص و كمان كنا قبل رمضان ننزل مخصوص نشتري فانوس وكنا نعمل فوانيس ورق مع الجيران كنا بنعمل فوانيس من علب الكرتون والورق الشفاف الملون ونعلقها بين البيوت ويوم ما بتعلق الزينه بين البلكونات فعلا كنا بنحس برمضان..

13407038_909124599198192_8818241210945078689_n

المسحراتى
المسحراتى الرجل الطيب اللى كان كل الناس بتستنى تسمع صوته قبل الفجر كان بيعدى ينده على اسامينا احنا واخواتنا و اصحابنا واحد واحد لحد ما كبرنا و لسه فاكرنا المسحراتى اللى كان بيعدى كل يوم وكان بينادى على كل بيت بأسم صاحبه كانت ذكرى جميله ..

اضف رد

لن يتم نشر البريد الإلكتروني . الحقول المطلوبة مشار لها بـ *

*