أخر الاخبار
الرئيسية / ادم وحواء / وصفات طبيعية للبشرة من القرفة

وصفات طبيعية للبشرة من القرفة

13100892_887141781396474_3841051433904806912_n

القرفة من المشروبات اللذيذة جدا ومن انواع التوابل اللي بتتحط على كتير من الاكلات والحلويات وبتديها طعم وريحة حلوة جدا لكن فوايد القرفة مش بس كمشروب او للأكل لكن هي ليها فوايد كتير جدا للبشرة لانها مليانة بالمواد المضادة للأكسدة وزي ما كلنا عارفين دي اد ايه مفيدة للبشرة ده غير ان فيها مضادات للبكتيريا وللفطريات وحاجات كتير هنعرفها في موضوعنا هنعرف وصفات من القرفة لجمال بشرتنا..

13062526_887143394729646_4943036923164378462_n

ماسك القرفة والشاي الاخضر:
الماسك ده بيرطب البشرة جدا وبيجددها..

المكونات :
*معلقة كبيرة شاي اخضر.
* معلقة صغيرة عسل نحل.
*شوية قرفة صغيرين.
* نص معلقة كبيرة مية مغلية.
* نقط زيت خشب الصندل ” من عند العطار”.

طريقة التحضير:
نطحن الشاي الاخضر ونضيف عليه العسل والقرفة ونضيف المية المغلية واحدة واحدة لحد ما يبقى سمكه معقول ونحط الخليط على البشرة ونسيبه 20 دقيقة وبعدين نغسله ..

13083170_887142174729768_7493770484870770401_n

سكراب لتقشير الشفايف:
السكراب ده بيقشر الشفايف وبيعالج تشقق وجفاف الشفايف..

المكونات:
*سكر ابيض او بني.
* زيت جوز هند.
* شوية قرفة.

طريقة التحضير:
هنضيف السكر مع جوز زيت جوز الهند من غير ما ندوبه هنستخدمه زي ما هو ونضيف عليهم القرفة ونقلب الخليط كويس خدي من الخليط بصوابعك وابدأي افركي بيه الشفايف ولو عندك باقي من الخليط ممكن تحتفظي بيه في برطمان وتحطيه في التلاجة ممكن يقعد عندك اسبوعين بس قبل ما تستخدميه طلعيه من التلاجة قبلها بخمس دقايق وبعدين استخدميه ..

13094216_887141991396453_8114593405627483284_n

سكراب القرفة والقهوة للجسم:
السكراب ده بينشط الدورة الدموية وبيخلص الجسم من مشكلة السيلوليت وبيدي الجسم ريحة حلوة جدا..

المكونات:
*نص فنجان قهوة.
* نص كوباية سكر بني.
* تلت كوباية زيت جوز هند.
* معلقة صغيرة قرفة.

طريقة التحضير:
هندوب زيت جوز الهند على النار وبعدين نضيف عليه باقي المكونات ونخلطهم مع بعض كويس افركي ايدك كويس عشان تديها حرارة وخدي من الخليط وافركي بيه الجسم بحركات دائرية قوية وبعدين اغسلي جسمك واحتفظي بباقي الخليط في اي برطمان عندك لحد ما تيجي تستخدميه تاني ..

اضف رد

لن يتم نشر البريد الإلكتروني . الحقول المطلوبة مشار لها بـ *

*