الرئيسية / ادم وحواء / طرق طبيعية وصحية للتخلص من تقصف الشعر

طرق طبيعية وصحية للتخلص من تقصف الشعر

13133182_892233624220623_7653907773800044813_n

معظمنا تقريبا بيعاني من مشكلة اطراف الشعر المقصفة وده بيكون ليه اكتر من سبب ممكن بسبب الجو حوالينا

والتراب والحرارة والرطوبة او بسبب استخدام السيشوار بشكل مستمر لان حرارة السيشوار من اكتر الحاجات اللي بتخلي الشعر ينشف وبتقصف اطرافه عشان كده لازم نهتم بشعرنا على طول ونعمله ماسكات طبيعية تعالجه من الجفاف والتقصف عشان المشكلة متزيدش في موضوعنا هنعرف وصفات طبيعية وصحية تخلصنا من التقصف وتفيد شعرنا ..

13100732_892233790887273_916552137802850796_n

الوصفة الاولى:

المكونات:
* ربع كوباية زبادي كامل الدسم.
* معلقة كبيرة زيت زيتون.

طريقة التحضير والاستخدام:
هنخلط الزبادي مع زيت الزيتون كويس جدا ونحط الخليط على الشعر ونسيبه من ربع ساعة لنص ساعة وبعدين نغسله عادي بالشامبو والبلسم..الماسك ده بيرطب الشعر جدا لان زيت الزيتون فيه احماض دهنية بتساعد على ترطيب وحماية الشعر من التلف والماسك ممكن تعملوه على الاطراف بس او على الشعر كله حسب احتياج الشعر..

13174144_892234047553914_7619545008135118039_n

الوصفة التانية:

المكونات:
* صفار بيضة.
* معلقة صغيرة عسل نحل.

طريقة التحضير والاستخدام:
اخلطي صفار البيضة مع العسل وحطي الخليط على الشعر وسيبيه ساعتين وبعدين اغسليه كويس بالشامبو والبلسم.. العسل يعتبر مرطب طبيعي هيساعد جدا على ترطيب الشعر وهيعالج الجفاف وهيشان الشعر وصفار البيض مليان بالبروتين والاحماض الامينية اللي بتمنع تقصف الشعر وبتساعد جدا على زيادة كثافة وتقوية الشعر وبترجع له لمعته..

13179284_892234104220575_1530449023520981562_n

الوصفة التالتة:

المكونات:
* ربع كوباية زيت جوز هند.
* 6 نقط زيت روز ماري “اكليل الجبل”.

طريقة التحضير والاستخدام:
دفي زيت جوز الهند في الميكروويف لمدة 10 ثواني وبعدين ضيفي عليه زيت الروز ماري وحطي الخليط على الشعر وفروة الراس لفي شعرك بفوطة سخنة او طاقية الشعر وسيبي الخليط 20 دقيقة على الاقل يعني ممكن تزودي المدة عادي زي ما انتي عايزة وممكن كمان تعمليه من بالليل وتنامي بيه وتغسليه الصبح بالشامبو والبلسم كويس اوي عشان تنزلي منه الزيت..

 

اضف رد

لن يتم نشر البريد الإلكتروني . الحقول المطلوبة مشار لها بـ *

*