أخر الاخبار
الرئيسية / كلمات / كلمات الاغانى العربية / كلمات راب متعدد المواهب

كلمات راب متعدد المواهب

كلمات راب متعدد المواهب

تدور الاحداث حول طموح واحلام شاب تدمرت بسبب مجتمع مثل اي شاب آخر

طفح الكيل من صغرة علشان حلمة يتحقق
حطت الدنيا عليه خلاص هدفة راح و اتعتئ
فقد ثقتة بنفسة بعد ما جالة شعور بالفشل
من يومها قعد في بيته وأصبح مريض بالكسل

متعدد المواهب في بلد ماشية بالمحسوبية
ماشية بالحب وبالفلوس اتدمر معنوياً
لازم تنسى معنى الانسانية عشان تعيش
ادفع عشان توصل مينفعش تقول ممعيش

دي طقوسنا وعادتنا من زمان الزمن
غلطتنا اننا استحملنا ولازم ندفع التمن
بالعقل بلدنا اولى من غيرها بالخير
ماشية بمثل لو فيه الخير ماكان رماه الطير

لما الانسان بيموت بيتدفن معاه حلمة
لا بيشتغل بخبرة ولا شهادة او حتى علمه
اصبحنا مرضى تكنولوجيا صابنا الياس
مقضينها قهاوي وشات ونت اهو اي هلس

اصبح الحلم في المنام وشكرا على كده
بوس ايدك وش وضهر واهو اي رضا
مبقفلهاش في وشك بس هقولهالك نصيحة
متنحترش متتقفلش في يوم بسبب وظيفة

ده اللي فيه الخير ربنا شايلهولك قدام
اللي انت متعرفوش ان الدنيا دي امتحان
فكر بعلقك لو مره هتلاقي نفسك كسبان
اللي بيموتله حق في البلد دي بيعيش غلبان

افتح صفحة جديده ومن قلبك قول يارب
هيتفك عليك ضيفتك وهيتمحي عنك الكرب
هتزول عنك الضيقة وهترجع متعدد المواهب
ابني نفسك بنفسك ومتروحش لحد وتعاتب

بقلمَ / محمود مكاوي

2 تعليقان

  1. الحمدلله ع كل حال ، وأكيد لكن مجتهد نصيب ، جميلة جداً تسلم الأيادي .

  2. يارب كلمة نقولها بقلوبنا قبل نطقها باللسان ,,,,, رائع يامتعدد المواهب ربنا يوفقك

اضف رد

لن يتم نشر البريد الإلكتروني . الحقول المطلوبة مشار لها بـ *

*