أخر الاخبار
الرئيسية / ادم وحواء / المطبخ / طريقة عمل السينابون بصوص الكراميل والمكسرات

طريقة عمل السينابون بصوص الكراميل والمكسرات

487184_544405745593872_257333718_n

المكونات :


 كوب لبن دافيء 
2 بيضة 
¼ كوب زبدة
4 كوب من الدقيق الأبيض
رشة صغيرة من الملح
2 ملعقة كبيرة من الخميرة
½ كوب من السكر

مقادير الكراميل :
6 ملاعق كبيرة من الزبدة
ملعقة من نشا الذرة
½ كوب سكر بني
3 ملاعق من الماء

للحشو :
كوباية من عين الجمل أو أي نوع من المكسرات المفضل لديك
ملعقة صغيرة من جوزة الطيب
ملعقة صغيرة من القرفة

الطريقة :
عشان نعمل العجينة  هنحط اللبن في إناء متوسط الحجم ونضيف الخميرة ومعلقة سكر ونفضل نقلب لمدة خمس دقائق  ونسخن الزبدة في طاسه على النارونسيبها لحد ما تبرد بعدين نضيف البيض ونقلبهم كويس .
بعدين نحطهم علي خليط اللبن والخميرة ونقلب كويس لحد ما يتماسكوا.
هنحط كوبايتين الدقيق والسكر والملح في الطبق اللي هنعمل فيه العجينة ونضربهم  بالمضرب الكهربا
ونضيف اللبن تدريجياً وكوباية الدقيق لحد ما تمتزج كلالمكونات مع بعض ونستمر كده لحد ما اللبن والدقيق يخلصوا ويتماسكوا كويس
هنجيب طبق متوسط الحجم وندهنه بالزبدة ونحط العجينة فيه ونغطيها بورق زبدة شفاف بعدين نحطها في الثلاجة لمدة ساعة ونص لحد ما تختمر العجينة .
طريقة عمل الكراميل :

هنجيب حلة نحطها علي النار ونحط فيها المياه والزبدة والسكر البني ونسيبها تغلي ونرفعها من النار
و في كوباية صغيرة هنخلط المياه مع نشا الذرة
ونضيها للزبدة والسكرالبني ونحطها على النار لحد ما تغلي بعدين  نرفعها من  النار
ونفرد العجينة على الرخامه  ونرش علي العجينة جوزة الطيب والقرفة وشوية من صوص الكراميل والمكسرات
ونلف  العجينة على شكل اسطواني بعدين نقطعها دواير ونحطها في صينيةوندخلها  الفرن لمدة من 15 إلى 20 دقيقة
ونطلع السينابون من الفرن ونحطه في طبق التقديم ونحط عليه من فوق باقي الكراميل والمكسرات 

وبالهنا والشفا 🙂

اضف رد

لن يتم نشر البريد الإلكتروني . الحقول المطلوبة مشار لها بـ *

*