أخر الاخبار
الرئيسية / ادم وحواء / اصنعي بلسم جوز الهند واللافندر بنفسك

اصنعي بلسم جوز الهند واللافندر بنفسك

بعض-النصائح-في-الحصول-على-شعر-صحي

طبعا احنا عارفين ان منتجات الشعراللي موجودة في السوق كلها داخل فيها مواد كيميائية ممكن تضر شعرنا

ومافيش احسن من الحاجات الطبيعية هي اللي بتفيد شعرنا من غير ما تضره في موضوعنا هنعرف طريقة عمل بلسم جوز الهند واللافندر للشعر تقدري تعمليه بنفسك في البيت بمكونات كلها طبيعية وكلنا عارفين زيت جوز الهند مفيد قد ايه للشعر وانه بيرطب الشعر وبينعمه وبيخليه صحي وبيلمع واضافة زيت اللافندر كمان للبلسم بتدي ريحة جميلة جدا للشعر هتستمر معاكي فترة طويلة..

تعالوا نعرف مع بعض مكونات وطريقة بلسم جوز الهند واللافندر للشعر..

المكونات:
* فنجان من زيت جوز الهند.

* معلقة صغيرة من فيتامين E “موجود في الصيدلية .

* معلقة صغيرة من زيت اللافندر ” موجود عند العطار .

* 5 نقط من زيت اللافندر.

طريقة تحضير البلسم:
هنجيب طبق ونحط فيه كل المكونات مع بعض ونحطهم على النار ونخلطهم كويس ونفضل نقلب فيهم لمدة 8 دقايق عشان ندوب زيت جوز الهند لان زيت جوز الهند الاصلي بيكون دايما متجمد وبيبقى شبه الكريم كده عشان كده لازم نقلبهم فترة مع بعض لحد ما الزيت يدوب والمكونات كلها تختلط مع بعض كويس جدا وكده يبقى البلسم عندنا جاهز للاستخدام نحطه في اي علبة او برطمان نضيف ونقفله لحد ما نيجي نستخدمه هو طبعا بعد ما تعمليه وتسيبيه هيتجمد وياخد شكل الكريم  وممكن تحتفظوا بيه بره عادي في اي مكان لكن لو الجو حر يفضل نحتفظ بيه في التلاجة عشان ميبوظش.

طريقة الاستخدام:
بعد ما نغسل شعرنا بالشامبو بالطريقة العادية ناخد من البلسم وندلك بيه الشعر كويس من فوق لتحت ونركز على الجذور بالذات لو كانت مقصفة او ناشفة ونسيبه على الشعر من 2 ل 5 دقايق وبعدين نشطف شعرنا بمية دافية عادي والمية متكونش سخنة اوي عشان المية السخنة بتضر الشعر..

images (6)

فـــــــــاطمة

اضف رد

لن يتم نشر البريد الإلكتروني . الحقول المطلوبة مشار لها بـ *

*